Հավ ՝ պատրաստված խնձորով և նուշով

Բաղադրամասեր

ամբողջական հավ - 2 կգ,

սպիտակ գինի - 200 մլ,

Խնձոր - 2 - 3 հատ կամ խաղող - 2-3 ճյուղ,

սխտոր - 1 պճեղ,

նուշ - 50 գր,

Սոուսի համար`

կարագ - 50 գր,

պապրիկա - 0,5 թ/գդ ,

մանանեխ - 1 ճ/գդ,

ուրց - 1 ճ/գդ ,

սև պղպեղ - ըստ ճաշակի,

աղ - ըստ ճաշակի,

Պատրաստման եղանակը

Հավը լվանում և չորացնում ենք:

Նուշի վրա տաք ջուր ենք լցնում, թողնում 3 րոպե, ինչից հետո կեղևը հեշտությամբ հանում ենք: Հալեցրած կարագի մեջ լցնում ենք համեմունքները և լավ խառնում:

Խնձորը կտրատում ենք (խաղողը մանր ճյուղերի ենք բաժանում), իսկ սխտորը` մասերի:

Սոուսի կեսը լցնում ենք հավի կրծքավանդակի մեջ և ձեռքերի շարժումներով տարածում:

Հավը դնում ենք ձևամանի մեջ, վրան լցնում սոուսի մյուս կեսը:

Կողքերով շարում ենք խնձորը (խաղողը), սխտորը և նուշը: Վրան լցնում ենք գինին: Եփում ենք 230 աստիճան տաքացրած ջեռոցում` 15 րոպե, ինչից հետո ջեռոցն իջեցնում ենք 190-180 աստիճանի և եփում ևս 1 ժամ: Ահա և վերջ: