Բաղադրամասեր
Խոզի միս 500 գրամ,
Սպանախ 1 փունջ,
Սխտոր 1 պճեղ,
Սոխ 1 գլուխ,
Ընկույզ 50 գրամ,
Պանիր 150 գրամ,
Մշընկույզ 0.5 թեյի գդալ,
Յուղ 1 ճաշի գդալ,
Սպիտակ գինի 50 մլ,
Մանանեխ 1 թեյի գդալ,
Օսլա 1 թեյի գդալ,
Աղ,
Սև պղպեղ,
Մակարոն 300 գրամ,
Պատրաստման եղանակը
Սպանախը խաշել, ջրքամել, լավ մզել, կտրտել, ավելացնել կտրտած սոխն ու սխտորը, ընկույզը, 80 գ քերած պանիրը, համեմել աղով, պղպեղով և մշընկույզով:
Խոզի փափկամսի մեջ գրպան բացել, լցոնել սպանախի խառնուրդով, բացվածքն ամրացնել չոպիկներով, յուղով 2 կողմից տապակել, աղ ու պղպեղ անել, կողիկը դնել ջեռոցի տապակի մեջ, տեղափոխել 150 աստճան տաքացրած ջեռոցը, թողնել այնտեղ 12 րոպե:
Կաթսայի մեջ ջուր եռացնել, աղ անել, մակարոնը խաշել: Տապակի մեջ մնացած յուղին ավելացնել արգանակն ու գինին, եփել մինչև զանգվածը կես ընկնի, ավելացնել մանանեխը, մնացած 70 գ պանիրը, քիչ ջրով բացած օսլան, աղ ու պղպեղ անել, եփել:
Մակարոնը ջրքամել: Մակարոնն ու կողիկները դնել մատուցվող ափսեի մեջ, վրան սոուս լցնել և անմիջապես մատուցել:
