Բաղադրամասեր
Խոզի Բուդ 1,5 կգ
Ջուր 1լ
Աղ 100գ
Կարմիր մեխակ 2 հատ
Սև հատիկավոր պղպեղ
Չոր չիլի 1 հատ
Պատրաստման եղանակը
Եռացնել ջուրը, ավելացնել աղ և համեմեունքներ, լավ խառնել, եռացնել կես րոպե և կրակը անջատել։
Երբ խառնուրդը սառչի, վերցնում ենք սովորական ներարկիչ և բոլոր կողմերից մսի մեջ ներարկում ենք խառնուրը։ Սրանից է կախվաց խոզապուղտի համը։
Խոզի բուդը դնել մեծ ամանի մեջ և վրան ավելացնել մնացած խառնուրդը։ Միսը ծածկել ափսեով և վրան դնել ծանրություն։
Պահել սառնարանում 3 օր։ Որպեսզի միսը լավ մարինացվի և խոզապուղտը լինի համասեռ գույնի, միսը պետք է ամեն օր շուռ տալ։
3 օր հետո միսը լավ կապում ենք պարանով։
Այժմ մնաց վերջին և ամենա կարևոր մասը, մսի եփելը։
Միսը պետք չէ եփել եռացող ջրի մեջ, խոզապուղտը լավ չի ստացվի։
Ամանի մեջ լցնել ջուր և տաքացնել մինչը 85 աստիճան։
Միսը դնել ջրի մեջ և եփել մոտավորապես 2-2,5 ժամ մարմանդ կրակի վրա, անընդմեջ ամանի մեջ լցնել սառը ջուր, որպեսզի պահենք 80 աստիճանը։ Եփման ժամանակը կախված է մսի չափից։
Եփելուց հետո միսը հանել ամանի միջից և սառեցնել սառը ջրով։ Սառչելուն պես մեկ գիշեր պահել սառնարանում։
