Վարունգով և ավոկադոյով յոգուրտային պաղպաղակ

Բաղադրամասեր

1 հատ ավոկադո,

75 գ շաքարավազ,

1 ճաշի գդալ վանիլի փոշի,

1 հատ վարունգ,

6 ճաշի գդալ լայմի հյութ,

150գ յոգուրտ։

Պատրաստման եղանակը

Ավոկադն դնել փայտե տաղտակի վրա և բաժանել երկու հավասար մասերի։ Զգուշությամբ անցնել կորիզի մոտով և ձեռքերով բաժանել մասերը, հանել կորիզը և մաքրել կեղևը։ Կտրատել փոքր քառակուսիկների։

Մեկ մեծ կամ երկու փոքր վարունգները մաքրել կեղևից, եթե սերմերը մեծ են, հանել գդալով և նույնպես կտրատել փոքր քառակուսիկների։ Կտրատած ավոկադոյի հետ միասին դնել բլենդերի մեջ։

Ավելացնել լայմի հյութ։ Հարել մինչև միատարր զանգված ստանալը։

Ավելացնել շաքարավազը և վանիլի փոշին, հարել ևս մեկ անգամ, ավելացնել յոգուրտը և հարել, մինչև փափուկ զանգված ստանալը։

Ստացված զանգվածը դնել թասի մեջ և 9 ժամով դնել սառցախցիկում։

3 ժամը մեկ խառնուրդը պետք է լավ խառնել, որպեսզի սառույց չառաջանա։

Մատուցելուց կես ժամ առաջ թասը սառցախցիկից դնել սառնարանում։ Զանգվածը պետք է հալչի այնքան, որ հնարավոր լինի վերցնել գդալով։

Գդալով վերցնելուց առաջ, գդալը մտցնել տաք ջրի մեջ։ Ձևավորել թարմ անանուխով։