Տրյուֆելային տորթ պնդուկով

Բաղադրամասեր

Սև շոկոլադ - ըստ ճաշակի

Բիսկվիթի համար ՝

ալյուր - 300 գր,

շաքարավազ - 150 գր,

սոդա - 1 թ/գդ,

կակաո - 5-6 ճ/գդ,

ձու - 2 հատ,

կաթ - 150 մլ,

բուսայուղ - 50 մլ,

ջուր - 200 մլ,

Բեզեի համար ՝

ձվի սպիտակուց - 3 հատ,

շաքարավազ - 150 գր,

Կրեմի համար ՝

եփված խտացրած կաթ - 1 բանկա,

կարագ - 200 գր

Պատրաստման եղանակը

Բոլոր չոր բաղադրիչները խառնում ենք, առանձին ամանի մեջ հարում ենք ձվերն ու ավելացնում բուսայուղը։ Այնուհետև ավելացնում ենք կաթն ու չոր բաղադրիչները։ Վերջում լցնում ենք տաք ջուրն ու հարելով համասեռ զանգված ստանում։ Խմորը լցնում ենք 24 սմ տրամագիծ ունեցող յուղաթողապատ ձևամանի մեջ և թխում նախօրոք 180 աստիճան տաքացրած ջեռոցում 30-35 րոպե։

Պատրաստում ենք բեզեն։ Ձվի սպիտակուցները լավ հարում ենք և աստիճանաբար ավելացնում շաքարավազը։ Խոհարարական պարկի միջոցով գնդիկներ ենք ձևավորում և թխում 110 աստիճան տաքացրած ջեռոցում 90 րոպե։

Պատրաստում ենք կրեմը։ Խտացրած կաթն ու կարագը լավ հարում ենք։

Բիսկվիթի կողքերը կտրում և հավասարեցնում ենք։ Վրան կրեմ ենք քսում։ Շարում ենք բեզեները։ Այնուհետև խոհարարական պարկի օգնությամբ կրեմը քսում ենք բեզեների վրա։

Բեզեները բրգաձև շարում ենք իրար վրա։ Բեզեների փոխարեն կարող եք կոնֆետներ օգտագործել։

Վրան կրեմ ենք լցնում։ Պնդուկը մանրացնում ենք և ցանում տորթի վրա։ Շոկոլադը հալեցնում ենք և լցնում տորթի վրա։