Բաղադրամասեր

  • 130 գրամ գետնընկույզ,

  • 1 հատ ձվի դեղնուց,

  • 170 գրամ ձվի սպիտակուց,

  • 125 մլ կաթ,

  • 215 գրամ սերուցային կարագ,

  • 510 գրամ շաքարավազ,

  • 1 ճաշի գդալ կոնյակ,

  • 1/2 թեյի գդալ կակաո-փոշի,

  • 14 գրամ վանիլի փոշի

Պատրաստման եղանակը

  • Ընկույզները տապակել 180 աստիճան տաքացրած ջեռոցում 15 րոպե, մաքրել և մանրացնել։

  • Սպիտակուցները հարել, մինչև պնդանալը։ Ավելացնել 7 գրամ վանիլի փոշի և 320 գրամ շաքարավազ, հարել ևս 7-8 րոպե, մինչը պինդ զանգված ստանալը։ Մեկ ճաշի գդալ կրեմը պահել, իսկ մնացած մասի վրա ավելացնել ընկույզները և հարել։ Ստացված խառնուրդից ևս մեկ ճաշի գդալ պահել։

  • Թղթի վրա նկարել 2 կլոր, 20 սմ տրամագծով, տարածել սպիտակուցի-ընկույզի խառնուրդը 2 կլորների վրա։ Ազատ տեղերում դնել պահած սպիտակուցները, տորթը զարդարելու համար։

  • Նույն թղթի վրա փոքր չափերով դնել նաև պահած սպիտակուցի-ընկույզի խարնուրդը։

  • Շերտերը թխել ջեռոցում, 100 աստիճանում 2 ժամ։ Թողնել սառչի։

  • Կրեմի համար դեղնուցը հարել կաթի հետ, ավելացնել 190 գրամ շաքարավազ, դնել մարմանդ կրակի վրա։ Խառնել հասցնել եռման և թողնել եռա ևս 2-3 րոպե, մինչ պնդանալը։ Սարեցնել մինչև սենյակային ջերմաստիճան։

  • Կարագը հարել վանիլի փոշու հետ մինչև սպիտակ գույն ստանալը։ Շարունակելով հարել ավելացնել կաթը դեղնուցի հետ, ավելացնել մի գդալ կոնյակը։ Պահել մեկ ճաշի գդալ ստացված կրեմից, իսկ մնացածի վրա լցնել կակաո։

  • Մնացած կրեմի կեսով քսել շերտերից մեկը, դնել վրան մյուս շերտը, քսել տորթի կողքերը և վերևի մասը։ Թողնել մի փոքր կրեմ ձևավորելու համար։ Ընկույզի փշուրներով բեզեն մանրեցնել մանր կտորների և շաղ տալ տորթի վրա։ Ձևավորել շոկոլադով, սպիտակ կրեմով և բեզեյի կտորներով, դնել սարնարան ոչ ավել քան մեկ ժամ։

Պատրաստման բարդությունը

Հեշտ

Տեխնոլոգիա
Պատրվակ