Բաղադրամասեր
Խմորի համար `
2 հատ ձու,
1 թգ. սոդա,
200 գր. շաքարավազ,
3 ճգ. կակաո,
70 գր. կարագ,
2 ճգ. մեղր,
ալյուր,
Կրեմի համար `
1 բաժակ շաքարավազ,
2 հատ ձու,
150 գր. կարագ,
2 ճգ. ալյուր,
1 ճգ. կակաո,
100 գր. ընկույզ
2 բաժակ կաթ,
վանիլի փոշի,
Գլազուրի համար `
30 գր. կարագ,
շոկոլադ
Պատրաստման եղանակը
Կրեմի համար կաթը, ձուն, շաքարավազը և ալյուրը հարել: Այնուհետև դնել մարմանդ կրակի վրա և եփել այնքան մինչև կրեմը կխտանա, անհրաժեշտ է եփելու ընթացքում անընդհատ խառնել:
Այս զանգվածին ավելացնել կակաոն, վանիլի փոշին և լավ խառնել, հետո թողնել, որ սառչի:
Սառչելուց հետո ավելացնել ընկուզը և քերիչով անցկացված կարագը և լավ խառնել:
Խմորի համար ձուն, մեղրը, շաքարավազը, կարագը և սոդան լցնել կաթսայի մեջ և հարել: Այնուհետև կաթսան դնել գոլորշու վրա և անընդհատ խառնել գրեթե 5 րոպե:
Ավարտելուց հետո վերցնել գոլորշու վրայից, ավելացնել կակաոն և լավ խառնել: Այս զանգվածի վրա ավելացնել քիչ քիչ ալյուր այնքան, մինչև ստացվի պինդ խմոր, որը հնարավոր կլինի գրտնակով բացել:
Խմորը բաժանել 8 մասի, յուրաքանչյուրը գրտնակել և եփել ջեռոցում 180 աստիճան ջերմաստիճանում 3-7 րոպե:
Գլազուրի համար շոկոլադը մարմանդ կրակի վրա հալեցնել և ավելացնել կարագը:
Յուրաքանչյուր խմորի վրա կրեմ տարածել, իսկ վերջում թխվածքի վրա տարածել գլազուրը:
