Բաղադրամասեր
սուլուգունի- 500 գր,
սպիտակ պաքսիմատ- 1 բաժակ,
կարմիր պղպեղ- 1թգ,
ձու- 2 հատ,
ալյուր- 2 ճգ,
աղացած չիլի, աղ, բուսայուղ, անանուխ ` ըստ ճաշակի
Պատրաստման եղանակը
Սուլուգունի պանիրը կտրատել հաստ կտորներով: Ձուն հարել 2 պտղունց աղի հետ: Պանիրը գլորել սկզբում ալյուրի մեջ, հետո՝ ձվի, ապա պաքսիմատի մեջ:
Թավայի մեջ լցնել մինչև 1սմ բարձրության բուսայուղ, դնել միջինից բարձր կրակի վրա և պանրի կտորները երկու կողմից տապակել մինչև ոսկեգույն դառնալը: Տապակված պանիրները դնել անձեռոցիկի վրա, որպեսզի ազատվեն ավելորդ յուղից: Անանուխը կտրատել, լցնել պանրի վրա և մատուցել:
Ուտեստը նաև կարելի է մատուցել սոուսով, որի համար անհրաժեշտ է խառնել 2 ճգ մածունը ու քերիչով անցկացրած 1 հատ վարունգը:
