Բաղադրամասեր
համեմ - 1 կապ,
բլղուր - 100գր,
մածուն - 500մլ,
ալյուր - 2ճ/գդ,
սոխ - 1 գլուխ,
թթվասեր - 2ճ/գդ,
ձու - 1 հատ,
աղ
Պատրաստման եղանակը
Բլղուրը լվանալ, ապա լցնել կաթսայի մեջ, ավելացնել 2 բաժակ ջուր և եփել մինչև վերջնական պատրաստ լինելը:
Սոխը մանր կտրատել և տապակել բուսայուղի մեջ մինչև ոսկեգույն երանգի ստացումը:
Ձուն հարել, ավելացնել թթվասերը, մածունը, ալյուրը և խառնել: Ստացված զանգվածը լցնել եփված բլղուրով կաթսայի մեջ: Անընդհատ խառնելով եփել մինչև ապուրի եռալը:
Տապակված սոխը լցնել պատրաստի ապուրի վրա:
Համեմը մանրացնել և շաղ տալ ապուրի վրա, ըստ անհրաժեշտության համեմել աղով և խառնել:Ցանկության դեպքում ապուրը մատուցելիս կարելի է վրան շաղ տալ մի փոքր թարմ մանրացված կանաչի և անցնել համտեսելուն:
