Աշխարհահռչակ «Սինաբոն» դասական բուլկիներ

Բաղադրամասեր

Խմորի համար ՝

Տաք կաթ – 250 մլ,

Ձու (սենյակային ջերմաստիճանի) – 2 հատ,

Հալեցրած կարագ – 75 գ,

Ալյուր – 500 գ,

Աղ – 1 թ/գ,

Շաքարավազ – 100 գ,

Չոր դրոժ – 7 գ,

Միջուկի համար ՝

Շաքարավազ (շագանակագույն) – 1 բաժակ,

Աղացած դարչին – 2.5 ճ/գ,

Կարագ – 75 գ,

Կրեմի համար ՝

Սերուցքային պանիր – 100 գ,

Կարագ – 50 գ,

Շաքարի փոշի – 200 գ,

Վանիլին – 1/2 թ/գ,

Աղ – 1/8 թ/գ,

Պատրաստման եղանակը

Դրոժը լցնել տաք կաթի մեջ, ավելացնել 1 ճ/գ շաքարավազ և թողնել, մինչև դրոժը փրփրի: Ձվերը հարել շաքարավազի հետ, ավելացնել հալեցրած կարագը, աղը, դրոժով կաթը և խառնել: Հետո աստիճանաբար ավելացնել ալյուրը և խմոր հունցել: Հունցել 7-8 րոպե, որից հետո ծածկել և դնել տաք տեղ՝ բարձրանալու համար:

Այն բանից հետո, երբ խմորը 2 անգամ կաճի, դնել այն ալյուր շաղ տված հարթության վրա, ծածկել և թողնել 10 րոպե: Տարայի մեջ խառնել շաքարավազը և դարչինը:

Բացել խմորը 40×50 չափի: Վրան քսել կարագ և համաչափ տարածել շաքարավազի և դարչինի խառնուրդը:

Փաթաթել ռուլետի նման և կտրատել 12 մասի: Բուլկիները դնել կաղապարի մեջ: Ծածկել և թողնել, որպեսզի բարձրանան: Դրանց 2 անգամ մեծանալու համար անհրաժեշտ կլինի 30 րոպե: Տաքացնել ջեռոցը մինչև 200 աստիճան:

Թխել բուլկիները 15 րոպե:

Կրեմ. քանի դեռ բուլկիները թխվում են, հարել պանիրը, կարագը, շաքարի փոշին, վանիլինը և աղը: Մատուցելուց առաջ բուլկիների վրա քսել կրեմը: