Շոկոլադե տորթ Կոկա-կոլայով

Բաղադրամասեր

1 1/3 բաժակ ալյուր,

3/4 բաժակ շաքարավազ,

1 թեյի գդալ փխրեցուցիչ,

մի պտղունց աղ,

120 գրամ կարագ,

3 ճաշի գդալ կակաո,

3/4 բաժակ կոկա-կոլա,

1 հատ ձու,

0,5 բաժակ մածուն,

1 թեյի գդալ վանիլին,

Գլազուրի համար `

3/4 բաժակ յուղային սերուցք,

200 գ դառը շոկոլադ

Պատրաստման եղանակը

Ջեռոցը տաքացնել 175 աստիճան:

Ալյուրը մաղել, խառնել փխրեցուցիչի, աղի և շաքարավազի հետ: Մանր կրակի վրա դնել կաթսան և կակաոն, կոկա-կոլան, կարագը խառնել այնքան ժամանակ, մինչև կարագը հալվի: Այնուհետև լցնել ալյուրի վրա և խառնել:

Առանձին հարել ձուն, մածունն ու վանիլինը, սա նույնպես ավելացնել խառնուրդին և լավ խառնել:

Ջեռոցի կլոր տապակի մեջ յուղաթուղթ դնել, բուսայուղ քսել, լցնել խմորը և 35-40 րոպե թխել: Հանել ջեռոցից, թողնել՝ սառչի, կիսել մեջտեղից:

Գլազուրի համար սերուցքը դնել կրակին մինչև եռալը, լցնել մանրացրած շոկոլադի վրա, թողնել 2 րոպե և հետո նոր խառնել: Պետք է ստացվի թանձր և փայլուն գլազուր: Լցնել տորթի վրա: