Բաղադրամասեր
ելակ - 200 գր,
ալյուր - 150 գր,
ձու - 5 հատ,
վանիլին - 1 պտղունց,
շաքարավազ - 150 գր,
շաքարի փոշի - 50 գր
Պատրաստման եղանակը
Ձվերը շատ լավ հարում ենք և կամաց-կամաց ավելացնում շաքարավազը, վանիլինն ու ալյուրը:
Խմորը լցնում ենք յուղաթղթապատ ձևամանի մեջ և թխում նախօրոք 200 աստիճան տաքացրած ջեռոցում 15-20 րոպե:
Պատրաստի խմորը յուղաթղթով հանդերձ փաթաթում ենք՝ ծայրը դեպի ներքև: Վրան փաթաթում ենք սրբիչ և թողնում հովանա: Որոշ ժամանակ անց հանում ենք սրբիչն ու յուղաթուղթը:
Ելակը բլենդերով հարում ենք (ցանկության դեպքում կարող ենք մի փոքր ինվերտային օշարակ պատրաստել և խառնել ելակին:
Ելակը լցնում ենք բիսկվիթի մեջ և կրկին զգուշությամբ փաթաթում: Վրան շաքարի փոշի ենք ցանում, զարդարում ելակով և մատուցում:
