Շատ համեղ լեհական տորթ

Բաղադրամասեր

Խմորի համար ՝

ալյուր - 900 գր,

մեղր - 500 գր,

կարագ - 250 գր,

կաթ - 200 մլ,

շաքարավազ - 250 գր,

ձու - 4 հատ,

սոդա - 3 ճ/գդ,

աղ - 0,5 թ/գդ,

նարինջ - 1 հատ (կեղև)

Անհրաժեշտ է ՝

դարչին - 50 գր,

կոճապղպեղ (имбирь) - 15 գր,

մեխակ - 10 գր,

մշկընկույզ (мускатный орех) - 10 գր,

աստղային անիսոն - 10 գր,

հիլ(кардамон) - 10 գր,

սև պղպեղ - 3 գր,

կարագ - 50 գր,

սև շոկոլադ, ջեմ, ընկույզ - ըստ ճաշակի

Պատրաստման եղանակը

Համեմունքները խառնում ենք իրար և մանրացնում։

Պատրաստում ենք խմորը։

Կաթսայի մեջ լցնում ենք մեղրը, կարագն ու շաքարավազը և մարմանդ կրակին եռացնում ենք, ինչից հետո էլ՝ հովացնում։ Առանձին ամանի մեջ լցնում ենք ալյուրը, համեմունքները, սոդան ու աղը և լավ խառնում ենք։ Կամաց-կամաց ավելացնում ենք մեղրային խառնուրդը, նարնջի քերած կեղևը ու լավ խառնում ենք։

Խմորը 3 հավասար մասերի ենք բաժանում, մի փոքր ալյուր ցանում և ուղղանկյունաձև գրտնակում։ Դնում ենք յուղաթղթապատ ձևամանի մեջ և թխում յուրաքանչյուրը 15 րոպե։

Առաջին շերտի վրա քսում ենք ջեմը, դնում երկրորդ շերտը և վրան կրկին ջեմ քսում։

Դնում ենք երրորդ շերտը, վրան ծանրություն դնում և ողջ գիշեր թողնում այդպես։ Առավոտյան թխվածքը երեք հավասար մասերի ենք բաժանում։

Այնուհետև շոկոլադը և կարագը հալեցնում ու ջնարակը տարածում փոքր թխվածքների վրա։ Վերջում լցնում ենք մանրացված ընկույզը։