Բաղադրամասեր
Տավարի կամ խոզի միս- 600-700 գրամ,
Ջուր - 2,5-3լիտր,
Սոխ-2 հատ,
Լավրովի տերևներ- 1-2 հատ,
Խոզապուխտ- 200 գրամ,
Ապխտած երշիկ – 200 գրամ,
Թթու դրած վարունգներ – 2-4 հատ,
Ձիթապտուղ- 100 գրամ,
Տոմատի մածուկ կամ կետչուպ – 2 թեյի գդալ,
Բուսական յուղ – 2 ճաշի գդալ,
Կարագ– 100 գրամ,
Կիտրոն, Թթվասեր, Աղ,պղպեղ ` ըստ ճաշակի
Պատրաստման եղանակը
Միսը դնել կաթսայի մեջ, ջուր լցնել վրան: Եռալուց հետո մեկ հատ սոխ դնել և 2 ժամ եփել, ապա ընթացքում ավելացնել դափնու տերևներ և եփել: Եռալուց հետո միսը հանել և այն ոսկորից առանձնացնել ու բարակ շերտերով կտրատել: Բարակ շերտերով կտրատել խոզապուխտը, ապխտած երշիկը, թթու դրած վարունգը:
Վարունգը լցնել թավայի մեջ, ապա ավելացնել մսի արգանակը և մի քանի րոպե եփել: Ապա մեկ հատ սոխ կտրատել և առանձին թավայի մեջ բուսական յուղով տապակել, ավելացնել կետչուպը, ապա այս զանգվածը լցնել մսի արգանակի վրա: Արգանակի վրա լցնել միսը, ապխտած երշիկը, խոզապուխտը, վարունգը և ձիթապտուղը: 10-15 րոպե եփել: Այն մատուցել կիտրոնով և թթվասերով:
