Բաղադրամասեր
Կարագ – 2 ճ/գ,
Ալյուր – 2 ճ/գ,
Մսի արգանակ – 4 բաժակ,
Սպիտակ չոր գինի – կես բաժակ,
Հոլանդական պանիր – 750 գ,
Ձվի դեղնուց – 2 հատ,
Թթվասեր – 2-3 ճ/գ,
Մաղադանոս, աղացած սև պղպեղ,
մշկընկույզ, սխտոր
Պատրաստման եղանակը
Բարակ պատերով կաթսայի մեջ կարագը հալեցնել, ավելացնել ալյուրը, խառնել: Փոքր առ փոքր ավելացնել տաք արգանակը, շարունակել խառնել: Ավելացնել գինին, մանրացրած սխտորը, պղպեղը և մշկընկույզը: Եռացնել, խառնել, ավելացնել քերած պանիրը: Երբ պանիրը հալվի, ապուրը պատրաստ է:
Կոտրել 2 ձվերը, սպիտակուցներն առանձնացնել, դեղնուցը հարել թթվասերի հետ, ավելացնել ապուրի վրա և լավ խառնել: Ավելացնել պանրի կտորները և մանրացրած մաղադանոսը: Մատուցել տաք վիճակում, տապակած հացի կտորների և ճզմած սխտորի հետ:
