Բաղադրամասեր
Բիսկիթի համար՝
կարագ - 100 գր,
շաքարավազ շագանակագույն - 120 գր,
ձվի դեղնուց - 4 հատ,
կաթ - 3 ճ/գդ,
ալյուր - 160 գր,
փխրեցուցիչ - 1 թ/գդ
Մերենգայի համար՝
ձվի սպիտակուց - 4 հատ,
շաքարավազ շագանակագույն - 200 գր,
աղ - 1 պտղունց,
Ինչպես նաև`
նուշ - 80 գր,
սերուցք 30-35% յուղայնությամբ - 300 մլ
Պատրաստման եղանակը
Փափկեցրած կարագը մանր շաքարավազի հետ հարում ենք մինչև սպիտակի: Հատ առ հատ ավելացնում ենք դեղնուցները, լցնում ենք կաթը, մաղով անցկացրած ալյուրն ու փխրեցուցիչը: Երկար չենք հարում. պետք է միայն բաղադրիչներն իրար խառնվեն: Բավական կպչուն խմոր ենք ստանում: 20 X 30 չափսի ձևամանի մեջ յուղաթուղթ ենք դնում:
Պատրաստում ենք մերենգան: Սառած սպիտակուցները 1 պտղունց աղի հետ հարում ենք մինչև խոշոր պղպջակներ առաջանան, այնուհետև ավելացնում ենք շաքարավազն ու այնքան հարում մինչև պինդ փրփուր ստանանք:
Մերենգան գդալով կամ հրուշակեղենային պարկով լցնում ենք խմորի վրա: Մերենգայի վրա բոված նուշ ենք ցանում և 175 աստիճան տաքացրած ջեռոցոմ 30 րոպե թխում: երտը կիսում ենք 2 հավասար մասի. մեկի վրա հարած սերուցք ենք լցնում և ծածկում երկրորդ շերտով:
Մատուցելուց առաջ տորթը 1 ժամ սառնարանում ենք թողնում:
