Բաղադրամասեր
Բիսկվիթի համար՝
6 հատ ձու,
160 գր շաքարավազ,
2 ճ/գդ մեղր,
190 գր ալյուր,
Միջուկի համար՝
1 տուփ եփված խտացրած կաթ,
150 գր կարագ,
Ջնարակի համար՝
4 ճ/գդ շաքարավազ,
6 ճ/գդ ջուր,
20 գր կակաո,
30 գր կարագ,
Պատրաստման եղանակը
Ձվերը, շաքարավազն ու մեղրը նվազագույնը 10 րոպե հարում ենք մինչ ստանանք խիտ սպիտակ զանգված (խմորը մոտ 4 անգամ պետք է ավելանա): Այնուհետև զգուշորեն ալյուր ենք լցնում և վերից-վար շարժումներով խառնում:
Լցնում ենք ձևամանի մեջ:
Թխում ենք 170-180 աստիճան տաքացրած ջեռոցում: Փայտիկով փորձում ենք, եթե այն բիսկվիթի միջից չոր դուրս գա, ուրեմն խմորը պատրաստ է: Խմորը սառեցնում ենք, այնուհետև ձևամանից հանում:
Եփած խտացրած կաթը հարում ենք 150 գր կարագի հետ: Բիսկվիթը բաժանում ենք 3 շերտի և յուրաքանչյուր շերտը պատում կրեմով: Վերջին շերտի վրա կրեմ չենք քսում:
Պատրաստում ենք ջնարակը: Կարագը լցնում ենք կաթսայի մեջ և հալեցնում, ավելացնում ենք շաքարավազը, ջուրն ու կակաոն։ Մոտ մեկ րոպե թույլ կրակի վրա անընդհատ խառնելով եփում ենք, որպեսզի գնդիկներ չմնան։ Տորթի վերևամասում ջնարակ ենք լցնում և մեջտեղի հատվածում ընկույզ ցանում: Կարող ենք անմիջապես համտեսել:
