Բաղադրամասեր
ձուկ - 1 հատ
գազար - 1 հատ
սոխ - 1 գլուխ
կիտրոն - 0.5 հատ
բրինձ - 200 գր
պանիր - 50 գր
կարմիր տաքդեղ - 0.5 հատ
աղ, սև պղպեղ, սամիթ, կանաչ սոխ - ըստ ճաշակի
Պատրաստման եղանակը
Ձուկը լավ լվանում ենք, թեփուկները մաքրում և մեջտեղից դանակով բացվածք անում: Այնուհետև սուր դանակով մաքրում ենք նաև ներքին մասն ու կրկին լվանում: Ձուկը ցողում ենք կիտրոնով, աղ ու պղպեղ ենք ցանում և հանգիստ թողնում:
Պատրաստում ենք միջուկը: Գազարն ու սոխը կարագով տապակում ենք, ավելացնում մանր կտրատած տաքդեղը: Այնուհետև ավելացնում ենք նախօրոք խաշած բրինձն ու 7 րոպե տապակում: Վերջում աղ ու պղպեղ ենք ցանում և ավելացնում մանր կտրատած կանաչիները:
Փայլաթիթեղը կարագապատում ենք, վրան դնում ձուկն ու լցոնում: Ձուկը տեղափոխում ենք 200 աստիճան տաքացրած ջեռոցն ու 60 րոպե եփում: Պատրաստ լինելուց 10 րոպե առաջ վրան պանիր ենք քերում:
Ձուկն ըստ ճաշակի ձևավորում ենք և մատուցում:/
