Կոտլետ դդմիկով

Բաղադրամասեր

1 կգ դդմիկին ՝

սամիթ,

3 հատ ձու,

3 պճեղ սխտոր,

4 ճ/գ ալյուր,

աղ, սև պղպեղ ՝ ըստ ճաշակի

Պատրաստման եղանակը

Դդմիկները լվանալ,կեղևազրկել և անցկացնել քերիչով։ Վրան աղ լցնել և թողնել 10-15 րոպե, որպեսզի ջուրը առանձնանա։ Դդմիկից առաջացած ջուրը քամիչով քամել։

Դդմիկի վրա ավելացնել քերած սխտորները, կտրատած սամիթը, համեմել պղպեղով։ Ավելացնել նաև հարած ձվերը և ալյուրը։ Բոլորը միասին լավ խառնել։

Թավայի մեջ լցնել ձեթ և տաքացնել։ Ճաշի գդալով վերցնել խճողակից, ձևավորել կոտլետներ և երկու կողմից տապակել տաքացած ձեթի մեջ։