Բաղադրամասեր
Խմորի համար ՝ ձու - 4 հատ,
ալյուր - 150 գր,
շաքարավազ - 200 գր,
Անուշահյութի համար՝
շաքարավազ - 100 գր,
ջուր - 120 մլ,
կոնյակ - 1 ճ/գ,
Կրեմի համար ՝
կաթ - 3/4 բաժակ,
շաքարավազ - 3/4 բաժակ,
ձու - 3 հատ,
կարագ - 200 գր,
վանիլային շաքար - 1 թ/գ
Պատրաստման եղանակը
Սպիտակուցները հարում ենք շաքարավազի մի մասի հետ:
Դեղնուցները հարում ենք մնացած շաքրավազի հետ այնքան, մինչև ստացվի սպիտակ զանգված:
Դեղնուցային ու սպիտակուցային զանգվածները խառնում ենք: Աստիճանաբար մաղում ենք ալյուրը և պատրաստում թեթև խմոր:
Յուղաթղթով ծածկում ենք ձևամանը, ապա լցնում ենք խմորն ու եփում 10-12 րոպե նախօրոք 180 աստիճան տաքացրած ջեռոցում:
Թխվելուց հետո հեռացնում ենք պերգամենտը, խմորը դնում ենք նոր յուղաթղթի վրա և ռուլետի նման փաթաթում ենք:
Թողնում ենք, որպեսզի սառչի, իսկ այդ ընթացքում պատրաստում ենք Շառլոտ կրեմը, որը բաժանում ենք երկու մասի: Մի մասին ավելացնում ենք կակաո և հարում այնքան, մինչև ստացվի միասեռ զանգված:
Անուշահյութը պատրաստելու համար ջուրն ու շաքարավազը խառնում ենք, դնում ենք կրակի վրա ու եփում այնքան, մինչև շաքարավազը լուծվի:
Ապա հանում ենք կրակի վրայից, ավելացնում ենք կոնյակ:
Խմորի վրայից զգուշորեն հեռացնում ենք յուղաթուղթը, վրան լցնում ենք անուշահյութն ու թողնում 10 րոպե հանգստանա: Ապա վրան հավասարապես տարածում ենք սպիտակ կրեմը:
Խմորը կրկին վերածում ենք ռուլետի ու վրան քսում ենք շոկոլադե կրեմը:
Տորթի կողքի հատվածները պատում ենք խմորի փշրանքներով, իսկ վրան կարելի է զարդարել ըստ ցանկության:
