Բաղադրամասեր
հավի կրծքամիս - 500 գր,
պանիր հալված - 100 գր,
տոմատի մածուկ - 2 ճ/գ,
հոլանդական պանիր - 100 գր,
բուսայուղ - 1 ճ/գ
սունկ շամպինիոն - 150 գր,
ձու - 1 հատ,
- ըստ ճաշակի - ըստ ճաշակի - ըստ ճաշակի Ինչպես նաև`
մաղադանոս (չորացված), աղ, սև պղպեղ, քունջութ - ըստ ճաշակի
պատրաստի շերտավոր խմոր - 500 գր
Պատրաստման եղանակը
Հավի կրծքամիսը աղաջրով եփում ենք (կարելի է ջրին ավելացնել նաև դափնու տերև): Այնուհետև թողնում ենք, որ սառչի և կտրատում ենք մանր կտորներով:
Շամպինիոնները կտրատում ենք և տապակում բուսայուղի մեջ: Մեծ տարայի մեջ իրար ենք խառնում հալած պանիրը և լոլիկի մածուկը մինչև ստանանք համասեռ զանգված:
Ապա այս զանգվածին ավելացնում ենք հավը, սունկը, աղացած մաղադանոսը (կարելի է փոխարինել ցանկացած այլ կանաչիով) և համեմում ենք աղով և պղպեղով:
Շերտավոր խմորը մի փոքր բացում ենք և եռանկյունաձև կտրատում ենք:
Ձևամանի մեջ յուղաթուղթ ենք փռում և շրջանաձև դասվորում եռանկյունաձև խմորներն այնպես, որ ստանանք արևի տեսք: Խմորի վրա շրջանակով դասավորում ենք նախապես քերիչով անցկացված պանիրը:
Պանրի շերտի վրա դասավորում ենք հավով և սնկով զանգվածը: Եռանկյուն խմորի բոլոր ծայրերը պտտում ենք դեպի կենտրոն, այնպես, որ ծածկենք միջուկը, և խմորի ծարը ամրացնում ենք հիմքին, որպեսզի եփվելու ընթացքում դրանք չբացվեն: Կարկանդակը պատում ենք հարած ձվով և վրան ավելացնում քունջութ:
25-30 րոպե թխում ենք մինչև 180 աստիճան տաքացված ջեռոցում: Թխում ենք մինչև կարկանդակի կարմրելը:
