Բաղադրամասեր
Ձու – 3 հատ
Սպիտակ շոկոլադ – 120 գ
Պանիր Մասկարպոնե – 120 գ
Պատրաստման եղանակը
Շոկոլադը կտրատել փոքր մասերի և դնել թասի մեջ: Հալեցնել գոլորշու վրա:
Ձվերի սպիտակուցը առանձնացնել դեղնուցից: Սպիտակուցները լավ հարել:
Հալեցրած շոկոլադը միացնել պանրի հետ և լավ խառնել սենյակային ջերմաստիճանի պայմաններում:
Շոկոլադի և պանրի խառնուրդին ավելացնել դեղնուցները, լավ խառնել:
Ստացված զանգվածին մաս-մաս ավելացնել լավ հարած սպիտակուցը:
Թխելու համար նախատեսված թղթից ինքնուրույն կաղապար պատրաստել (20 սմ տրամագծով և 15 սմ բարձրությամբ):
Խմորը լցնել կաղապարի մեջ:
Կաղապարը դնել տապակին և այնտեղ լցնել 1/4 լ եռացրած ջուր:
Թխել նախօրոք 170 աստիճան տաքացրած ջեռոցում 15 րոպե: Հետո իջեցնել 160 աստիճան և թխել ևս 15 րոպե: Անջատել ջեռոցը և թողնել տորթը ներսում ևս 15 րոպե:
Սառեցնել տորթը և վրան շաքարի փոշի շաղ տալ:
