Բաղադրամասեր
Մեղրով եփովի տորթ
Խմորի համար ՝ մեղր - 60 գր,
կարագ - 50 գր,
ձու - 1 հատ,
շաքարավազ - 50 գր,
սոդա - 2/3 թ/գ,
ալյուր - 300 գր,
թթվասեր - 40 գր,
Կրեմի համար ՝
ձու - 4 հատ,
շաքարավազ - 200 գր,
կարագ - 150 գր,
կաթնաշոռ - 1 կգ,
եգիպտացորենի օսլա (крахмал)- 80 գր,
կաթ - 125 գր,
Միջուկի համար ՝
մեղր - 50 գր,
ընկույզ - 100 գր,
կարագ - 50 գր,
Պատրաստման եղանակը
Կարագը, շաքարավազն ու մեղրը լցնում ենք տարայի մեջ ու դնում ենք կրակի վրա:
Թողնում ենք այնքան, մինչև շաքարավազը լուծվի, ապա հանում ենք կրակի վրայից, ավելացնում ենք սոդա և խառնում ենք՝ վերածելով փրփրանման զանգվածի:
Ստացված զանգվածը լցնում ենք մեկ այլ տարայի մեջ, ավելացնում ենք ձուն, թթվասերը և խառնում ենք:
Կամաց-կամաց ավելացնում ենք ալյուրն ու ստանում ենք մատներին փոքր-ինչ կպչող խմոր:
Խմորը բաժանում ենք երեք մասի, որոնցից երկուսը բացում ենք յուղաթղթի վրա: Խմորաշերտերը համապատասխանեցնում ենք ձևամանի չափերին:
Խմորաշերտերը թխում ենք 8-9 րոպե նախօրոք 180 աստիճան տաքացրած ջեռոցում:
Պատրաստում ենք ընկուզային զանգվածը: Տարայի մեջ լցնում ենք կարագն ու մեղրը, դնում ենք կրակի վրա ու հալեցնում: Ապա հանում ենք կրակի վրայից, ավելացնում ենք կտրատած ընկույզն ու խառնում ենք:
Բացում ենք երրորդ խմորաշերտը, վրան լցնում ենք ստացված միջուկն ու կրկին համապատասխանեցնում ենք ձևամանի չափերին:
Եփում ենք ջեռոցում նույն ջերմությամբ, ինչպես առաջին երկուսը:
Պատրաստում ենք կրեմը, որի համար սպիտակուցներն առանձնացնում ենք դեղնուցներից, ապա հարում ենք կարագն ու շաքարավազն այնքան, մինչև վերածվի կրեմային զանգվածի: Հատ-հատ ավելացնում ենք ձուն՝ յուրաքանչյուրից հետո լավ հարելով:
Ավելացնում ենք կաթնաշոռն և հարում ենք այնքան, մինչև ստացվի միասեռ զանգված:
Օսլան լցնում ենք կաթի մեջ ու խառնում ենք կաթնաշոռային զանգվածին: Այնուհետև սկսում ենք հարել սպիտակուցները:
Սպիտակուցային զանգվածը ևս խառնում ենք կաթնաշոռային զանգվածին ու խառնում ենք, որից հետո լցնում ենք կաթսայի մեջ: Դնում ենք միջին կրակի վրա ու եփում ենք 5-6 րոպե, մինչև պնդանա:
Ձևամանի մեջ ենք դնում արդեն պատրաստ խմորաշերտերից մեկը, վրան հավասարապես տարածում ենք կաթնաշոռային զանգվածի մի մասը:
Այնուհետև դնում ենք երկրորդ խմորաշերտը, ծածկում ենք մնացած կաթնաշոռային զանգվածով, և երրորդը դնում ենք վրան:
Թեթևակի սեղմում ենք, թողնում ենք, որ տորթը հանգստանա սենյակային պայմաններում, ապա մոտ 6 ժամ թողնում ենք սառնարանում:
