Մանդարինի բացառիկ բուժիչ հատկությունները և հակացուցումները

Դիտումներ 638
Մանդարինի բացառիկ բուժիչ հատկությունները և հակացուցումները

Մանդարին (ֆրանս.` mandarine, իսպան.` mandarin), սապատազգիների ընտանիքի (անգլ.՝Citrus) ցեղի մշտադալար բույս։ Ըստ որոշ հետազոտողների, մանդարինի բոլոր ձևերը պատկանում են մեկ տեսակի՝ սովորական մանդարինին (իսպ.՝C. reticulata), իսկ մյուսներն առանձնացնում են դրա մինչև 13 տեսակ։ Առավել տարածված է ճապոնական մանդարին (իսպ.՝C. unshiu), որը թույլ աճեցողությամբ, 2-3 մ բարձրության ծառ է։ Տերևները խոշոր են, օվալաձե, երբեմն՝ ծալքավոր, վերևի մակերեսը՝ մուգ կանաչ գույնի, թույլ զարգացած տերևակիցներով։ Ծաղիկները՝ երկսեռ, սպիտակ։ Ինքնափոշոտվող բույս է։ Պտուղները՝ տափակ-կլորավուն, կեղևը՝ կաշենման, հաստ, բաց նարնջագույն, հեշտությամբ անջատվում է պտղամսից, կազմված է առանձին բաժնյակներից (ճաղերից), որոնք պատված են շատ բարակ, սպիտակ, թելանման հավելվածքներով։ Հյութալի է, քաղցր, թթվաշ, հաճելի համով և բույրով։ Պարունակում է մինչև 12% շաքարներ, 0, 9-1, 0% կիարոնաթթու, 0, 45% պեկտինային նյութեր, ինչպես նաև հանքային նյութեր ու վիտամիններ։ Պտուղներն օգտագործվում են թարմ և վերամշակված վիճակում (հյութեր, մուրաբաներ)։

 

Դիետոլոգները թվել են մանդարինի օգտակար հատկությունները

 
 
Աճում է արևադարձային և մերձարևադարձային այն շրջաններում, որտեղ ձմռանը ջերմաստիճանը -8 °C-ից ցածր չի լինում։ Բերք է տալիս տնկումից 3-4 տարի հետո։ Ապրում է 30-40 տարի։ Բազմանում է աչքապատվաստով, ինչպես նաև կտրոններով։ Որպես պատվաստակալ օգտագործվում է վայրի եռտերեային կիտրոնը (իսպ.՝C. trifoliata)։ Վեգետացիայի ընթացքում կարող է տալ 3-4 աճ։

1. Մանդարինը՝ վիտամիններիաղբյուր 

Մանդարինը հատկապես աշնանն ու ձմռանն է օգտակար, քանի որ А, ռախիտի կանխարգելման տեսանկյունից չափազանց օգտակար D, արյունատար անոթների ճկունությունն ապահովող К, քունը կարգավորող, հիշողությունը եւ նյութափոխանակությունը բարեկարգող B4 եւ օրգանիզմի դիմադրողականությունը խթանող С վիտամինների հարուստ աղբյուր է հանդիսանում եւ կարող է իմունիտետի կայունացմանը հանգեցնել: Բացի այդ, մանդարինը նաեւ տիամինով, ռիբոֆլավինով, ասկորբինաթթվով եւ ռուտինով է հարուստ: 

2. Մանդարինն օգտակար միներալներ է պարունակում

Մանդարինը օրգանիզմին անհրաժեշտ գրեթեն բոլոր միներալների՝ կալիումի, մագնիումի, երկաթի, ֆոսֆորի, նատրիումի եւ կալցիումի հարուստ պաշարներով է աչքի ընկնում:

3. Մանդարինը չի գիրացնում

Մանդարինը դիետիկ միրգ է: 100 գրամի մեջ այն ընդամենը 53 կկալ-ի չափով էներգետիկական արժեք եւ 85-87 գրամ ջուր է պարունակում: 

Մանդարինի կեղևի մեջ հսկայական ուժ կա: 5 փրկիչ բաղադրատոմս

 

4. Մանդարինն օգտակար է մարսողության համար

Մանդարինն ախորժակը բարելավելու եւ նյութափոխանակությունը արագացնելու հատկություն ունի եւ օգտակար է՝ մարսողության համար: Բացի այդ, մանդարինի ֆիտոնցիդային հատկությունները հակամիկրոբային ազդեցություն են ապահովում եւ կարող են մի շարք պաթոգեն սնկերի դեմ պայքարի միջոց ծառայել: Համարվում է, որ մանդարինը նաեւ շաքարախտի եւ օնկոլոգիական հիվանդությունների առաջացման ռիսկը նվազեցնելու հատկություն ունի: 

5. Մանդարինը մի շարք այլ օգտակար հատկություններով է օժտված

Շնորհիվ որոշ բաղադրիչների, մանդարինը նաեւ արյունականգ ու ջերմիջեցնող հատկություններով է աչքի ընկնում եւ կարող է նյարդային համակարգի լարվածության նվազեցման միջոց ծառայել:

Հակացուցումներ

Մանդարինը կարող է ստամոքսի եւ աղիքների լորձաթաղանթի գրգռման պատճառ դառնալ, ուստի եւ հակացուցված է ստամոքսի եւ տասներկումատնյա աղիքի խոցով, գաստրիտով, աղիքների բորբոքային հիվանդություններով, հեպատիտով, էնտերիտներով եւ մի շարք այլ հիվանդություններով տառապող մարդկանց: Մանդարինի սպառման ծավալները սահմանափակելու կարիք նաեւ ալերգիաների նկատմամբ խոցելիությամբ աչքի ընկնող մարդիկ ունեն:

Մանդարինի օգտակարությունն ու վնասակարությունը

 
 
 
Ամենաընթերցվածը
Փակել գովազդը