Ինչպես ճիշտ պահել մթերքները

Սովորաբար մենք ավելի ուշադիր ենք շուտ փչացող մթերքները, քան ձավարեղենը, մակարոնը կամ ալյուրը պահելու հարցում: Սակայն դրանք նույնպես պահպանման իրենց ժամկետներն ու հատուկ պայմաններն ունեն:
Թե ինչպես պահպանել մթերքները, որոնք սառնարանում պահելու կարիք չունեն, պարզաբանում է «Росконтроль»-ի փորձագետ Անդրեյ Մոսովը:

«Չոր մթերքները նույնպես պահպանման ժամկետ ունեն ու փչանում են առաջին հերթին ճարպերի օքսիդանալու հետևանքով: Ընդ որում՝ դրանք ոչ միայն տհաճ հոտ են ձեռք բերում, այլ նաև կորցնում են իրենց օգտակար հատկությունների մեծ մասը: Օքսիդանում են կիսահագեցած ճարպաթթուները, քչանում է վիտամինների քանակը, փոքրանում է սպիտակուցների յուրացման հատկության ուժը: Եվ քանի որ երկարատև պահպանման արդյունքում փոխվում են սպիտակուցների ու օսլայի հատկությունները, այս ձավարեղենի մթերային հատկանիշներն էլ են վատանում, այն ավելի դժվար է եփվում», ասում է փորձագետը:

«Հացը: Հացի համար օպտիմալ պահպանման պայմանները 6 աստիճանից ոչ ցածր ջերմաստիճանն է: Պետք չէ այն լվացարանին կամ մարտկոցին մոտ պահել: Լավագույնը այն բնական (և ոչ ներկված) փայտից հացամանում պահելն է: Հացը կարելի է թողնել նաև պոլիէթիլենային տոպրակում, որով այն գնել եք: Դրա վրա սովորաբար օդ խաղալու համար փոքր անցքեր են լինում: Իսկ սովորական պլաստիկ տոպրակի մեջ հացաբուլկեղենը «կխեղդվի» ու շատ շուտով կբորբոսնի»:

Եթե որոշել եք հացը սառնարանում պահել, ապա պլաստիկ փաթեթն այս դեպքում տեղին կլինի ու կօգնի պաշտպանել այն հոտերից: Հացը կարելի է նաև սառցախցիկում պահել՝ 1 ամսով կամ նույնիսկ ավելի: Միայն թե այս դեպքում հացը հանելուց հետո երկար ժամանակ կպահանջվի դրա օգտակար հատկությունները վերականգնելու համար:

«Ընդհանրապես հացը լավ է երկար ժամանակով պահպանելու համար չգնել: Ընդհանրապես հացի պահպանման ժամկետը 1-5 օր է՝ կախված նրա տեսակից ու չափերից: Փոքր բուլկին ավելի շուտ կփչանա, քան մեծ բոքոնը, կիսած հացն էլ լրիվ հացից ավելի շուտ կչորանա», ասում է Մոսովը: