Խոհարարական գաղտնիքներ տնային տնտեսուհիների համար

1. Եթե ճիշտ ժամանակին չեք հասցրել հավաքել արգանակի վերին շերտում առաջացող փրփուրը, կարող եք կաթսայի մեջ մեկ բաժակ սառը ջուր լցնել: Այդ դեպքում փրփուրը կբարձրանա վերև, և դուք կարող եք հեռացնել այն:

2. Հավի արգանակի մեջ ոչ մի համեմունք մի ավելացրեք: Պետք է ավելացնել միայն գազար և սոխ: Հակառակ դեպքում արգանակը կորցնում է իր համը:

3. Երբեք դափնու տերևը մի թողեք ապուրի մեջ: Այն հրաշալի համ է տալիս միայն եռալու ընթացքում, իսկ ապուրի պատրաստ լինելուց հետո այն պետք է շտապ հեռացնել:

4. Կոտլետներն ավելի փափուկ և համեղ կլինեն, եթե տապակելուց մեկ կամ կես ժամ առաջ դրանց վրա քսեք քացախ կամ բուսական յուղ: Նույնը կարելի է անել նաև գրիլի համար նախատեսված մսի դեպքում:

5. Եթե ուզում եք, որպեսզի կոտլետները շատ համեղ ստացվեն, ապա ֆարշի մեջ ավելացրեք շատ մանր կտրտած և մի փոքր տապակած սոխ ու հում կարտոֆիլ: Կարտոֆիլը և սոխը պետք է լինեն հավասար քանակությամբ:

6. Տապականեր պատրաստելիս առաջին պահին կրակը պետք է շատ ուժեղ լինի, այնուհետև կարելի է կամաց-կամաց իջեցնել այն:

7. Ձուկը տապակելու ընթացքում չի առանձնանա իրարից, եթե տապակելուց առաջ չորացնեք սրբիչով և նույն պահին համեմեք աղով:

8. Սունկը` հատկապես ապուրներում, ավելի համեղ է լինում այն քիչ կտրտելու դեպքում:

9. Հում վիճակում քերված կարտոֆիլը խառնեք կաթի հետ, հակառակ դեպքում այն կփոխի գույնը և համը:

10. Լավ կլինի հին կարտոֆիլը խաշելիս ջրի մեջ ավելացնել քացախ, դափնու տերև և սխտոր: Որքան հին է կարտոֆիլը, այնքան շատ ջուր պետք է լցնել:

11. Կարտոֆիլով պյուրեն պետք է խառնել միայն ձեռքով: Հարիչով խառնելիս, ճիշտ է, ավելի գեղեցիկ է ստացում, բայց՝ ոչ օգտակար:

12. Խմորիչով պատրաստված խմորն ավելի փափուկ կստացվի, եթե ավելացնեք խաշած և քերված կարտոֆիլ:

13. Բուսական յուղը տապակելու ընթացքում չի սևանա, եթե տաքացած թավայի վրա աղ լցնեք:

14. Խմորն ավելի շուտ պատրաստ կլինի, եթե նրա մեջ մի քանի երկար մակարոն մտցնեք:

15. Եթե ուզում եք ստանալ թեթև և փափուկ սերուցք, այն հարեք ութաձև, այսինքն՝ ո՛չ միայն ափսեի կենտրոնում, այլև` կողքերով:

16. Թթխմոր չպարունակող խմորով պատրաստված ուտեստներն ավելի համեղ կլինեն, եթե դրանց մեջ ավելացնեք մեկ գդալ կոնյակ:

17. Եթե ուզում եք, որ լոբին խաշելիս չփոխի գույնը, խաշեք այն բաց կափարիչով:

18. Ձեթը տապակելու ընթացքում չի ցայտի, եթե նախքան տապակելը ձեթի մեջ աղ ավելացնեք:

19. Կաղամբով աղցանի մեջ խնձորի փոխարեն կարող եք դնել նարնջի շերտաձև կտորներ:

20. Աղցանի մեջ բուսական յուղ կարելի է ավելացնել միայն աղից, պղպեղից և քացախից առաջ:

21. Մայոնեզով պատրաստված աղցանները, ինչպես նաև վինեգրետն, ավելի համեղ կլինեն, եթե մատուցելուց առաջ կիտրոնի կեղև ավելացնեք: Կեղևը պետք է պահել առավելագույնը 10 րոպե:

22. Վինեգրետն արտասովոր համեղ կլինի, եթե մատուցելուց առաջ վրան ավելացնեք մեկ գդալ կաթ և մեկ գդալ շաքարավազ:

23. Սոխի կեղևը կարող է շատ գեղեցիկ գունավորել արգանակը: Այն նաև շատ օգտակար է:

24. Հավն ավելի շուտ կեփվի, եթե 20-30 րոպե խաշվելուց հետո ևս 20 րոպե եփեք սառը ջրում:

25. Որպեսզի միսը վառարանում չվառվի և չչորանա, պետք է վառարանի մեջ դնել նաև ջրով լցված սիլիկոնե գլանակներ:

26. Որպեսզի ձուկը  տապակելիս շատ ուժեղ չբուրի, ձեթի մեջ պետք է մանր կտրտած կարտոֆիլ լցնել:

27. Ձմեռվա համար կոմպոտ պատրաստելիս, որպեսզի այն արագ սառչի, պետք է հեղուկով լցված կաթսան դնեք սառը ջրով լցված մեկ այլ տարայի մեջ:

28.Կիսել պատրաստելիս օսլան պետք է լցնել ոչ թե կաթսայի կենտրոնում, այլ` անկյուններում: