Վանդալիզմ՝ Ծիծեռնակաբերդում. չարագործները հերթով ջարդել են ճանապարհի լույսերը

Երեկ՝ նոյեմբերի 4-ին, անօրինակ վանդալիզմ է տեղի ունեցել Ծիծեռնակաբերդի բարձունքում: Անհայտ անձը կամ անձինք կոտրել ու փչացրել են Ծիծեռնակաբերդի ճանապարհներից մեկի լուսավորության ողջ համակարգը: ՄՀՀ-ի ձախակողմյան հատվածը Հայոց ցեղասպանության հուշահամալիրի հետնամասի աստիճանների հետ կապող ճանապարհի ողջ երկայնքով տեղադրված լույսերը փչացված են: Այս դեպքը շատ տարօրինակ է, քանի որ նախ դժվար է պատկերացնել, թե ով է համարձակվել Ցեղասպանության հուշահամալիրում նման վանդալիզմ իրեն թույլ տալ, երկրորդ՝ նշված տարածքը 24 ժամ հսկվում է ոստիկանների կողմից: Չարագործը կամ չարագործները, ըստ երևույթին, օգտվել են նրանից, որ ցրտի պատճառով մարդիկ քիչ են այցելում մեր քաղաքի թերևս ամենից խաղաղ վայրերից մեկը, և հնարավոր է եղել, աննկատ նման ծավալի վայրագություն իրականացնել:

Լուսանկարները ` Գագիկ Շամշյանի

Աղբյուրը ՝ http://shamshyan.com/hy/article/2016/11/04/100345/