Հունվարի 23 - ի աստղագուշակը

ԽՈՅ (Aries, 21.III–20.IV)

Օրը հազիվ թե նշանակալի հաջողություններ ու կարևոր հաղթանակներ բերի, սակայն կուրախացնի տհաճությունների ու անլուծելի խնդիրների բացակայությամբ: Հնարավոր են դրամական մուտքեր, գումար աշխատելու կամ շահավետ գործարք կնքելու հնարավորություն կունենաք:

Լավ գլուխ կհանեք գործերից, նույնիսկ եթե առանց ոգևորության անցնեք դրանց կատարմանը: Հնարավոր են հաճելի նորություններ դրսից, հետաքրքիր առաջարկներ ու հրավերներ: Աշխատեք արագ որոշում ընդունել. ներքին ձայնը կօգնի ձեզ: Օրվա երկրորդ կեսին հնարավոր են չպլանավորված ուղևորություններ:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։

ՑՈՒԼ (Taurus, 21.IV–21.V)

Օրը կդառնա ձեր բնավորության ամրության ու ինքներդ ձեզ պաշտպանելու ունակության յուրօրինակ փորձություն: Ստիպված կլինեք պայքարի մեջ մտնել ուժեղ մրցակիցների հետ, և նրանց հաղթելն այնքան էլ հեշտ չի լինի: Կկարողանաք պաշտպանել հետաքրքրությունները, սակայն մեծ ջանքերի գնով:

Օրը հարմար է ուղևորությունների համար. դրանք շատ ժամանակ չեն խլի ու արդյունավետ կլինեն: Ճանապարհին զգույշ եղեք. հնարավոր են տհաճ հանդիպումներ, թյուրիմացություններ, ցավալի կորուստներ: Երեկոյան հնարավոր է ինքնազգացողության վատացում. խուսափեք ծանրաբեռնվածությունից:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։

ԵՐԿՎՈՐՅԱԿՆԵՐ (Gemini, 22.V–21.VI)

Հանգիստ օր է, որը հարմար է առօրյա, լավ ծանոթ աշխատանք կատարելու համար: Կարող եք նոր գործեր էլ ձեռնարկել, եթե համոզված եք գործընկերների ու համախոհների աջակցության վրա. դժվարություններից ինքնուրույն գլուխ հանելը հեշտ չի լինի: Նոր ծանոթների հետ զգույշ եղեք, հատկապես եթե նրանք խոստումներ շատ են տալիս:

Իսկ ահա անձնական դաշտում ամեն ինչ ավելի բարեհաջող կդասավորվի: Կուրախացնեն հանդիպումներն ու նոր ծանոթությունները, սիրային հետաքրքրություն կառաջանա այն մարդու հանդեպ, ում հետ վաղուց ընկերական հարաբերությունների մեջ եք:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԽԵՑԳԵՏԻՆ (Cancer, 22.VI–22.VII)

Օրն այնքան էլ արդյունավետ չէ, սակայն հաճելի կանցնի: Կուրախացնեն հին ծանոթների ու ընկերների հետ հանդիպումները, դրսից ստացվող նորությունները: Անհանգստանալու ու տագնապելու կարիք չկա. կարող եք ձեզ համար հետաքրքիր գործով զբաղվել, դրան նվիրել ողջ օրը կամ հանգստանալ ու ուժ հավաքել:

Չի բացառվում նոր սիրային հարաբերությունների սկիզբը, որն էլ կուրախացնի ձեզ, նոր լավատեսական հույզեր կպարգևի: Հեշտ կլինի ծանոթություններ հաստատելը, դուր կգաք շրջապատին, կհասկանաք՝ ում հետ պետք է գործ ունենալ, ումից հեռու մնալ:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Օրը շատ հաջող կանցնի: Ձեր առջև միանգամից մի քանի հետաքրքիր հնարավորություններ կբացվեն, անհրաժեշտ կլինի միայն ընտրել դրանցից մեկը: Ներքին ձայնն ուժեղ կլինի, սխալներ թույլ չեք տա: Պետք է արագ գործել, հատկապես եթե գործը գումարին կամ կարիերայի աճին է վերաբերում: Հնարավոր են հետաքրքիր հանդիպումներ, աշխատանքի հետ կապված գրավիչ առաջարկներ:

Հնարավորություն կլինի նաև կարգավորել հարաբերությունները այն մարդու հետ, ում հետ երկար ժամանակ փորձում էիք հաշտվել: Անսպասելիորեն կպարզվի, որ ձեր տարաձայնությունների պատճառը լրիվ դատարկ բան է:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԿՈՒՅՍ (Virgo, 24.VIII–23.IX)

Օրը հաջող կանցնի, եթե զգույշ լինեք ու ռիսկի չդիմեք այնտեղ, որտեղ դա անհրաժեշտ չէ: Հիշեք, որ ցանկալիին արագ հասնելը հեշտ չի լինի. աշխատեք հետևողական լինել, համբերտարությամբ և հերթականությամբ լուծեք հարցերը: Դա կօգնի խուսափել շտապողականությունից, որն էլ կարող է շեղել ձեզ: Հեռու մնացեք անկարևոր գնումներից:

Անձնական հարաբերությունները ներդաշնակ կընթանան, հեշտությամբ լեզու կգտնեք նաև մտերիմների հետ: Նույնիսկ աննշան տարաձայնություններ չեն առաջանա, կպայմանավորվեք համատեղ գործողությունների ու պլանների մասին:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԿՇԵՌՔ (Libra, 24.IX–23.X)

Կարևոր ու արդյունավետ օր է: Լրջանալ է պետք. դա կօգնի հիանալի արդյունքների հասնել, պատասխաններ գտնել ձեզ անհանգստացնող հարցերին: Առաջին հերթին դա վերաբերում է աշխատանքին: Կհասկանաք, թե ինչու են գործընկերները այս կամ այն կերպ գործում, սեփական գործելաոճը կընտրեք, որն էլ կօգնի հաջողության հասնել:

Իրենց մասին կհիշեցնեն հին ծանոթներն ու ընկերները: Մի հրաժարվեք հանդիպումներից. դրանք հաճելի ու օգտակար կլինեն: Հարազատների հետ հարաբերությունները կարգավորելու, ընտանեկան վեճերին վերջ դնելու հնարավորություն կունենաք:

ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։