Ամանորյա տոներին ընդառաջ. Իրազեկում բոլոր ՀՀ քաղաքացիներին

Ոստիկանությունը բազմիցս տեղեկացրել է, որ ՀՀ սահմանային բոլոր անցման կետերում գործում է հին նմուշի անձնագրի վավերականության ժամկետը երկարաձգելու և անձնագրում օտարերկյա պետությունում վավերականության նշում կատարելու շուրջօրյա ծառայություն: Այսինքն, այն դեպքում, երբ քաղաքացին որոշել է դուրս գալ երկրից, սակայն աշխատանքային ժամից հետո կամ ոչ աշխատանքային օրերին հնարավոր չէ դիմել անձնագրային ծառայություն, կարող է սահմանային անցման կետում (անկախ շաբաթվա օրից և ժամից) դիմել վերը նշված գործողությունների համար: Անհրաժեշտ է ընդունել ի գիտություն, որ մինչև 35 տարեկան զինապարտ ՀՀ քաղաքացիները իրենց հետ պետք է ունենան զինվորական գրքույկ կամ զինհաշվառումը հավաստող այլ փաստաթուղթ: