Շատ համեղ ընկույզով իտալական տորթ, որը ժպիտ կպարգևի Ձեր սիրելիներին

Ինչպես պատրաստել

1.    Ընկույզը շատ մանր կտրտել։ Սպիտակուցը հարիչով հարել՝ աստիճանաբար լցնելով շաքարավազը։ Ավելացնել մանրացրած ընկույզը և ալյուրը։ Խառնել մինչև միատարր դառնալը։

2.    Ջեռոցը տաքացնել մինչև 220°С։  Յուղաթղթից տապակի չափսով 6 շրջան կտրել։ Մի շրջանը դնել կաղապարի մեջ, թեթևակի ալյուր ցանել։ Վրան բարակ շերտով տարածել ստացված զանգվածի 1/6-րդը։ Կաղապարը դնել ջեռոցը, թխել 5 րոպե, այնուհետև խմորն անմիջապես  կաղապարից զգուշորեն հանել։ Նույն կերպ թխել մյուս 5 շերտերը։ 

3.    100 գ շոկոլադը ոչ մեծ կտորներով կոտրել, հալեցնել ջրային բաղնիքում։ Հալված շոկոլադը քսել խմորի բոլոր շերտերին, բացի մեկից։ Թողնել, որ շերտերը սառչեն։

4.    Մնացած շոկոլադը քերել խոշոր քերիչով։ Սերուցքը հարել, 3-4 գդալ պահել, մնացածը խառնել քերած շոկոլադին։ 

5.    Սերուցքով և շոկոլադի քերուկով զանգվածը քսել շոկոլադապատ 5 շերտերին և շարել միմյանց վրա։
6.    Վրայից դնել շոկոլադ չքսած շերտը։ Տորթը պատել մնացած սերուցքով։