Շատ համեղ ձավարով կոլոլակներ, որոնք շատ թեթև են և պատրաստվում են արագ
Դիտումներ 376 
Բաղադրիչներ՝
աղացած միս – 500 գր.,
սոխ – 3 գլուխ,
ձավար (միջին չափի) – 1 բաժակ,
տոմատի մածուկ – 2 ճ/գդ,
սխտոր – 2-3 ատամիկ,
կանաչի (համեմ, մաղադանոս, չորացրած ռեհան)
աղ, աղացած պղպեղ, հատիկ պղպեղ
բուսայող
Պատրաստման եղանակը՝
Սոխը, սխտորը, կանաչին աղալ:
Ձավարը գոլ ջրով թրջել, թողնել փափկի:
Միսը, սոխն ու կանաչին խառնել ձավարին, աղ, պղպեղ անել, կարելի է կծու պղպեղ:
Մի փոքր թողնել զանգվածը հանգստանա, ապա պատրաստել ընկույզից մեծ գնդիկներ:
Թավայի մեջ բուսայուղ լցնել, մի քիչ տաքացնել, ավելացնել տոմատի մածուկ, կարելի է նաև պղպեղի մածուկ կամ աջիկա:
Խառնել, կես բաժակ ջուր ավելացնել, մսագնդիկները շարել թավայի մեջ:
1-2 ատամիկ ամբողջական կամ մանրացված սխտոր ավելացնել թանձրուկին, մի քանի հատիկ պղպեղ դնել, եփել մարմանդ կրակով:
Պարբերաբար թանձրուկը լցնել կոլոլակների վրա:
Մատուցելիս զարդարել կանաչիով, թանձրուկը կարելի է մատուցել առանձին ափսեով:
Ամենաընթերցվածը
