Մեղրը իր մեջ պարունակում է շատ վիտամիններ, այսօր մենք փորձել ենք պարզել նրա օգտակար ազդեցությունը օրգանիզմի վրա

Մեղրն իր առողջարարությամբ բոլորին է հայտնի: Համեղ լինելուց բացի` այն կանխարգելում է քաղցկեղի և սրտի մի շարք հիվանդությունների զարգացումը, քանի որ պարունակում է ֆլավոնոիդներ և այլ հակաօքսիդանտներ, որոնք նվազեցնում են քաղցկեղի և սրտի մի շարք հիվանդությունների զարգացման վտանգը:

Այն նաև նվազեցնում է ստամոքսի հիվանդություններով ախտահարվելու վտանգը, հակաբակտերիալ և հակասնկային է, կայուն է պահում օրգանիզմում գլիկոգենի մակարդակը` այդպիսով նպաստելով մարդու ատլետիկ կարողունակությունների ակտիվացմանը:

Համաձայն հետազոտությունների՝ մեղրը հատկություն ունի ինչպես երկարացնելու, այնպես էլ վերականգնելու քունը:

Նախեւառաջ, այն ապահովում է գլիկոգենի համարժեք մատակարարումը դեպի լյարդ գիշերային ժամերին: Միջին հասակի մարդու լյարդը կարող է 75-100գր գլիկոգեն պահել, որը յուրացվում է կախված մարմնի չափերից եւ սեռից:

Օրվա ընթացքում օրգանիզմին մեկ ժամում 10գր գլիկոգեն է անհրաժեշտ:

Մեղրի օգտակար հատկությունների ցանկը.

•Բարձրացնում է իմունիտետը:

•Ապահովում է վիտամինները, հանքային նյութերը եւ հակաօքսիդանտները:

•Ունի հակաբակտերիալ եւ հակասնկային հատկություն:

•Բարձրացնում է էներգիայի մակարդակը եւ նվազեցնում է հոգնածությունը: