Մարգարիտա Կորոլյովայի սննդակարգը. նրա մեթոդիկայով նիհարում են ռուսական էստրադայի ու կինոյի աստղերը

Շատ խելամտորեն մտածված այս ինքնատիպ մոնոդիետան ընթանում է 3 փուլով, և նրանցից ամեն մեկում գերակշռում է մեկ մթերք՝ բրինձ, հավ կամ բանջարեղեն: Առաջին 2 մթերքները հարուստ են ածխաջրածիններով և սպիտակուցներով, իսկ բանջարեղենը՝ բջջանյութով՝ աղիները մաքրելով շլակներից և տոքսիններից: Եվ այսպես՝

1-3 օր

Սննդակարգի առաջին 3 օրերը բրնձային են: Առավոտյան լավ լվացեք նախօրեին թրջած 250 գրամ բրինձը, վրան 1/2 հարաբերությամբ տաք ջուր լցրեք և եփեք 15 րոպե: Խաշված բրնձի ողջ զանգվածը բաժանեք 6 հավասար մասերի և կերեք օրվա ընթացքում: Վերջին անգամ օրվա մեջ ուտել կարելի է երեկոյան ժամը 20:00-ից ոչ ուշ: Բրնձային օրվա ընթացքում սննդաբանը խորհուրդ է տալիս ուտել 3 ճաշի գդալ մեղր և խմել առնվազն 2.5 լիտր մաքուր, չգազավորված ջուր:

4-6 օր

Դիետայի հաջորդ 3 օրերը հավինն են: Մեկ ճուտը կամ ոչ մեծ, 1.2 կգ-ից ոչ ավելի կշռող հավը եփեք գոլորշու վրա, հանեք մաշկը վրայից, առանձնացրեք միսը ոսկորից: Մսի կտորները կրկին բաժանեք 6 հավասար մասերի և մինչև երեկոյան ժամը 20:00-ն կերեք այն: Ավա՛ղ, այս 3 օրերի ընթացքում մեղր չի կարելի, բայց ահա առատորեն ջուր խմելը պարտադիր է:

7-9 օր

Հաջորդ, եզրափակիչ 3 օրերին պետք է վերցնել 500 գրամ շոգեխաշած բանջարեղեն և նույնքան՝ հում, թարմ: Ողջ քանակությունը կրկին բաժանել 6 հավասար մասերի ու ուտել օրվա ընթացքում: Մեղրը կարելի է և պետք է ավելացնել խմելու ջրի մեջ, որը նախկինի պես անհրաժեշտ է խմել բավարար քանակությամբ: Գլխավոր բոնուսը կանաչ թեյն է, որը թույլատրված է օգտագործել ցանկացած քանակությամբ:

Աղբյուրը ՝ https://168.am/2017/12/07/879017.html​