Լավագույն սնուցող դիմակները չոր մազերի համար. 3 բաղադրատոմս
Դիտումներ 394 
Չոր վարսերին հատուկ խնամք է հարկավոր, քանի որ դրանք շատ ավելի փխրուն են ու շուտ են վնասվում, սակայն շուկայում վաճառվող կոսմետիկ խնամքի միջոցները ոչ միայն չեն օգնում, այլև հաճախ էլ ավելի են վնասում վարսերը: Ի տարբերություն նման միջոցների, բնական դիմակները չեն պարունակում քիմիական վնասակար տարրեր և չեն առաջացնում կողմնակի բարդություններ:
Ձեր ուշադրությանն ենք ներկայացնում չոր մազերի խնամքի համար նախատեսված երեք սնուցող դիմակ, որոնք կօգնեն վերականգնել ու սնուցել մազերը:
1. Հինայով ու կոնյակով դիմակ
Խառնել մեկական թեյի գդալ անգույն հինան, կոնյակը, մեղն ու բուսական յուղը, ավելացնել մեկ ձվի դեղնուց և ստացված համասեռ զանգվածը քսել չոր մազերին: Ծածկել գուխը որևէ տաք կտորով, թողնել դիմակը մոտ մեկ ժամ, այնուհետև լավ լվանալ վարսերը հոսող ջրով:
2. Սնուցող դիմակ կիտրոնի հյութով
Քամել մեկ կիտրոնի հյութը, ավելացնել 5 ճաշի գդալ չզտված բուսայուղ և լավ խառնել: Ստացված խառնուրդը քսել չոր մազերին ու մազարմատներին, թողնել 30 րոպե, այնուհետև լվանալ շամպունով: Խորհուրդ է տրվում կրկնել այս պրոցեդուրան ամսական երկու անգամ:
3. Սերուցքով դիմակ
2 թեյի գդալ կիտրոնի հյութին ավելացնել 3 կաթիլ կիտրոնի եթերայուղ, 2 ճաշի գդալ յուղոտ սերուցք և 1 թեյի գդալ նշի կոսմետիկ յուղ, լավ խառնել, այնուհետև քսել ստացված զանգվածը մազերին, թողնել 30 րոպե և լվանալ գլուխը շամպունով: Ցանկալի է ծածկել գլուխը պոլիէթիլենային թաղանթով ու տաք սրբիչով:
Ամենաընթերցվածը
