Կրունկների ճաքերը շատ լուրջ խնդիր են հանդիսանում, այս միջոցները կօգնեն Ձեզ ազատվել այդ խնդրից
Դիտումներ 309 
Կրունկներին ճաքեր առաջանում են մաշկի չորության պատճառով: Հաճախ կրունկների ճաքերից տառապում են մաշկային խնդիրներ ունեցողները: Ճաքը նաև ավիտամինոզի, դիաբետի ու գաստրիտի հետևանք կարող է լինել:
Ի՞նչ կարելի է անել տան պայմաններում:
Նախ, պետք է միջոցներ ձեռք առնել ոտնաթաթերի մաշկը փափկացնելու համար:
Լավ միջոց է վազելինի հիմքով քսուքը (վազելինը մաքուր վիճակում նույնպես կփափկացնի կոշտացած մաշկը):
Դրա համար ոտքերը պետք է բորաթթվի լուծույթով վաննայի մեջ դնել (1 թեյի գդալ բորաթթուն` 1 բաժակ ջրին):
Դրանից հետո ճաքերին վազելին պետք է քսել ու թողնել ողջ գիշեր:
Այս պրոցեդուրան պետք է կրկնել այնքան ժամանակ, մինչև մաշկը վերջնականապես փափկի:
Ոտնաթաթի մաշկը կփափկի, եթե ամեն օր տաք լոգանքից հետո ճաքերին գոլ ձիթայուղ քսվի:
Լավ օգուտ է տալիս մերսումը. Կարելի է ժամանակ առ ժամանակ, տաք քսուքով լավ մերսել ոտնաթաթերը: Նման մերսումը կարգավորում է արյան շրջանառությունն ու դրանով իսկ օգնում ճաքերի բուժմանը:
Խնձոր. պտուղը խորանարդների նման կտրատել ու եփել քիչ քանակությամբ կաթի մեջ այնքան, որ շիլա դառնա: Ստացված խյուսը հաստ շերտվ պետք է դնել ճաքերին ու ծածկել թանզիֆով: Լվանալ 40 րոպե հետո: Լավ փափկացնում է:
Մեղրը նույնպես հրաշալի միջոց է.դրա համար պետք է բամբակյա կտորին մաքուր մեղր տարածել ու դնել կրունկների ճաքերին և վրայից գուլպա հագնել, իսկ առավոտյան լվանալ գոլ ջրով, պատել խոնավեցնող մանկական քսուքով ու կպչուն սպեղանի դնել, որ խոնավությունը երկար ժամանակ մնա ճաքերում:
Ամենաընթերցվածը
