Լոբին բուժում է սիրտը, քաղցկեղը, խոլեստերինը, շաքարը, մաշկային խնդիրները. Նաև զգուշացեք հակացուցումներից

Լոբի (Phaseolus vulgaris), ընդավորների ընտանիքին (Leguminosae) պատկանող խոտանման ցողուններով բույս։ Ըստ թփի ձևի՝ լոբին կարող է լինել փաթաթվող և թփային։

Բուժիչ նպատակներով մթերում են ծաղիկները և արդեն հասունացած պտղի պատիճը։ Ծաղկաբաժակի թերթիկները ձուլված են խողովակի ձևով, դա է պատճառը, որ մեղուն դժվարանում է հասնել ծաղկահյութին։ Այնուամենայնիվ երկար կնճիթիկ ունեցող հայկական դեղին մեղուն կարողանում է ծակել ծաղկաթերթերը։ Ծաղիկը չորացնում են բաց ծածկի տակ։ Ունի տարրալուծող, արյունը մաքրող հատկություն։ Պատիճը չորացնում են արևի տակ, պարունակում է հակադիաբետիկ նյութ (արգինին)։

Լոբի և դափնի. երկու դեղատոմս գիրության և շաքարախտի դեմ 

Կարդացեք այստեղ ՝ https://xohanoc.am/hy/xohanocic-durs/Lobi-EV-dapni.-erku-dexatoms-girutyan-EV-shakaraxti-dem/basic

Լոբու սերմերը պարունակում են մեծ քանակությամբ սպիտակուցներ` 25 տոկոս, որն իր սննդային արժեքով ավելին է, քան մի շարք մսի տեսակներ: Լոբու սերմերը իրենց հերթին բաղկացած են կյանքի համար շատ անհրաժեշտ ամինաթթուներից, ածխաջրերից, ճարպերից, B1, B2, B3, B6, C, E, K եւ PP վիտամիններից, կալիումի աղերից եւ ֆոսֆորից: Կանաչ լոբին պարունակում է գլոբուլին, ամինաթթուներ, ցելյուլոզա, վիտամիններ: Ուժեղացնում է ստամոքսահյութի արտադրությունը, ունի միզամուղ, արյան ճնշումն իջեցնող, շաքարի պարունակությունն արյան մեջ կարգավորող ազդեցություններ: Կիրառվում է ցածր թթվայնությամբ ընթացող գաստրիտների, երիկամների եւ միզապարկի հիվանդությունների, հիպերտոնիայի, սրտային բնույթի այտուցների, քրոնիկական այտուցների, ռեւմատիզմի, երիկամի բորբոքային հիվանդությունների ժամանակ: Մեծ նշանակություն ունի լոբու օգտագործումը շաքարային դիաբետի բուժման ժամանակ: