Ինչու պետք է նախաճաշել կամ որն է նախաճաշի օգուտը

• Քնած ժամանակ արյան մեջ շաքարի քանակը նվազում է, որն էլ վերականգնվում է նախաճաշի միջոցով: Եթե առավոտյան ոչինչ չուտեք, շաքարի քանակն է´լ ավելի կիջնի, էներգիայից զրկված օրգանիզմն էլ ախորժակի չղեկավարվող նոպաներ կունենա, որն էլ կարտահայտվի շատակերության տեսքով: Բացի այդ, առավոտյան սնունդ ստացած օրգանիզմը սթրեսի չի ենթարկվի ուտելու միջանցքներում եղած ժամանակահատվածներում ու «սև օրվա համար» ճարպի տեսքով պաշար չի կուտակի:
• Նախաճաշի օգուտներից մեկն էլ նրա բարենպաստ ազդեցությունն է սիրտ-անոթային համակարգի վրա. այն նվազեցնում է խոլեստերինի քանակն ու խոչընդոտում է տրոմբների առաջացումը:
• Նախաճաշելը նաև լեղապարկի հիվանդությունների առաջացման ռիսկն է նվազեցնում:

Ճիշտ նախաճաշի առանձնահատկությունները

• Ինչպիսի կալորիականություն էլ որ ունենա նախաճաշը, այն համարյա ոչ մի ազդեցություն չի թողնում մարմնի կազմվածքի վրա, քանի որ այս շրջանում նյութափոխանակությունն ինտենսիվ է, կերակուրից ստացված էներգիան էլ ամբողջությամբ ծախսվում է:
• Եվ չնայած դրան` դիետոլոգները խորհուրդ են տալիս օրը սպիտակուցներով ու ածխաջրերով հարուստ սննդով սկսել:
• Նախաճաշը պետք է սննդարար լինի, բայց ոչ ծանր:
• Նախաճաշի համար իդեալական տարբերակներ են հացը, պանիրը, բանջարեղենն ու մրգերը, ձուն, հավի միսը, կեֆիրը, յոգուրդը, կաթնաշոռը: Օգտակար են նաև հնդկաձավարի ու բրնձի շիլաները, վարսակի փաթիլները: Վերջինս ցանկալի է պատրաստել առանց շաքարի ու յուղազրկված կաթով:
• Իսկ ահա պահածոյացված մթերքից, քաղցրավենիքից լավ է հրաժարվել: