Ինչպես մաքրել թեյնիկը

Ծորակից եկող ջուրը, որով լցնում ենք թեյնիկը, ժամանակի ընթացքում նստվածք է առաջացնում: Այդ նստվածքի դեմ պայքարելու համար հատուկ միջոցներ կան, որոնք վաճառվում են համարյա բոլոր խանութներում: Սակայն գոյություն ունեն նաև խնդրի դեմ պայքարելու ժամանակի ընթացքում փորձված տնային միջոցներ:

Կիտրոնաթթու: Թեյնիկը 2/3 ծավալով սառը ջուր լցրեք, 1 լիտր ջրին 1ճ.գ. կիտրոնաթթու ավելացրեք: Ջուրը տաքացրեք, թողեք եռա մոտ 5 րոպե: Կարող եք թեյնիկը այդ լուծույթով 1 գիշեր թողնել, առավոտյան լավ լվանալ, մաքուր ջուր լցնել մեջը, եռացնել, թափել: Եթե թեյնիկը լավ չմաքրվի, կրկնեք պրոցեդուրան:

Քացախ: Կիտրոնաթթվի փոխարեն կարելի է 2-2.5 ծավալով թեյնիկին 100մլ 9 տոկոսանոց քացախ օգտագործել: Ջրի ու քացախի խառնուրդը եռացնել 15-20 րոպե, մինչև թեյնիկի պատերը լրիվ մաքրվեն: Այնուհետև թափել լուծույթը, լավ լվանալ թեյնիկը, մեջը մաքուր ջուր եռացնել, թափել: