Հիպոթիրիոզի(թերվահանագեղձություն) ախտանաշանները. ինչպե՞ս պահպանել վահանաձև գեղձի առողջությունը: Գրում է med.tert.am-ը
Մարդու օրգանիզմի նյութափոխանակությունը կարգավորվում է վահանաձև գեղձի կողմից, ուստի, երբ առաջանում է հիպոթիրիոզ, նկատվում է վահանաձև գեղձի թերֆունկցիա, իջնում է մարմնի ջերմաստիճանը, էներգիայի մակարդակն ու այն արագությունը, որով օրգանիզմն այրում է կալորիաները։
Հիպոթիրիոզը(թերվահանագեղձություն) համարվում է 60-ից բարձր ինչպես տղամարդկանց, այնպես էլ կանանց ընդհանուր հիվանդություն, որի առաջացման հիմնական պատճառն օրգանիզմում յոդի պակասն է։
Հիպոթիրիոզի ախտանշաններն են.
· դեպրեսիան,
· մազերի ու մաշկի չորությունը,
· հոգնածությունը,
· ծանր դաշտանը,
· մոռացկոտությունը,
· քաշի ավելացումը,
· տրամադրության տատանումները,
· խռպոտությունն ու փորկապությունը,
· ցրտի հանդեպ անհանդուրժողականությունը։
Վերոնշյալ ախտանշաններից որևէ մեկի առկայության դեպքում խորհուրդ է տրվում ստուգել վահանաձև գեղձի հորմոնների և թիրեոտրոպ հորմոնի մակարդակը։ Բացի այդ, վահանաձև գեղձի աշխատանքը խթանելու համար անհրաժեշտ է նաև ապահովել օրգանիզմը վիտամինների ու հանքանյութերի անհրաժեշտ քանակությամբ։
Սելեն
Մարդու օրգանիզմին անհրաժեշտ է սելեն՝ վահանաձև գեղձի հորմոնների բաղադրությունը դինամիկ կառուցվածքի վերածելու համար։ Սելենի օրական 200 մկգ չափաբաժինը բավական է վահանաձև գեղձի առողջությունը պահպանելու համար։
Ցինկ
Վահանաձև գեղձի հորմոններին, արդյունավետ աշխատանքի համար, անհրաժեշտ է նաև ցինկ։ Խորհուրդ է տրվում ամեն օր ընդունել ցինկի 10 մգ և պղնձի 1-2 մգ չափաբաժին։
Յոդ
Յոդը նույնպես մեծ նշանակություն ունի վահանաձև գեղձի հորմոնների արտադրման գործում, սակայն հիպոթիրիոզի դեպքում անհրաժեշտ է շատ զգույշ լինել, քանի որ այն կարող է սրել հիվանդի վիճակն ու գրգռել վահանաձև գեղձը։
Յոդի օրական չափաբաժինը 150 մկգ-ն է։ Յոդով հարուստ սննդամթերք են ջրիմուռները, ձուն, ձուկը և կաթնամթերքը։ Այս սննդամթերքների օգտագործման դեպքում պետք չէ ընդունել հավելումներ, քանի որ յոդի ավելցուկը նույնպես կարողէ հանգեցնել որոշ խնդիրների։
Վահանաձև գեղձի առողջությունը պահպանելու համար անհրաժեշտ է սկսել օգտագործել այս կարևոր սննդարար նյութերը, քանի որ առողջ վահանաձև գեղձը շատ մեծ նշանակություն ունի ընդհանուր առողջական վիճակի համար։