Հավի բուլյոնի մեջ պետք չէ ոչ մի համեմունք գցել ... Խոհանոցային խորհուրդներ
Դիտումներ 519 
- Եթե բուլյոնից ճիշտ ժամանակին չեք հեռացրել փրփուրը, և այն կաթսայի հատակն է իջել, կաթսայի մեջ մի բաժակ ջուր լցրեք: Փրփուրը կբարձրանա, և այն հնարավոր կլինի հեռացնել:
- Հավի բուլյոնի մեջ պետք չէ ոչ մի համեմունք գցել, միայն սոխ և գազար: Հակառակ դեպքում այն կկորցնի իր համը:
- Պետք չէ դափնու տերևը թողնել ապուրի մեջ: Այն լավ է միայն եփելիս: Իսկ երկար ժամանակ ապուրի մեջ մնալով՝ փչացնում է վերջինիս համը:
- Կոտլետները տապակելու առաջին րոպեին կրակը պետք է ուժեղ լինի, որպեսզի նրանից հյութը դուրս չգա: Այնուհետև կրակն իջեցրեք միջին ուժգնության: Կոտլետը շրջելուց հետո էլի կես րոպեով ուժեղացրեք կրակը:
- Որպեսզի կարտոֆիլը չմգանա, կեղևազրկելուց հետո նրա վրա տաք կաթ լցրեք:
- Եթե ուզում եք եփելիս լոբին չմգանա, այն բաց կաթսայի մեջ եփեք՝ առանց կափարիչի:
- Որպեսզի բուսական յուղը տապակելիս չթռչի, թավայի հատակին մի քիչ աղ ցանեք:
- Բուսական յուղը աղցանի մեջ պետք է ավելացնել այն աղով, քացախով ու բիբարով համեմելուց հետո. աղը յուղի մեջ չի ներծծվում:
- Եթե ուզում եք, որ վինեգրեդը համեղ ստացվի, նրա մեջ 1 ճաշի գդալ կաթ ու 1 թեյի գդալ շաքարավազ ավելացրեք:
- Ձկան հոտը վերացնելու համար բուսական յուղի մեջ 1 հում կտրտված կարտոֆիլ լցրեք:
- Որպեսզի կոմպոտը շուտ սառչի, այն դրեք սառը աղաջրի մեջ:
- Կիտրոնից մաքսիմալ քանակությամբ հյութ քամելու համար այն նախապես 1 ժամով տաք ջրի մեջ պահեք:
- Որպեսզի բազուկը եփելիս պահպանի գույնը, ջրի մեջ մի քիչ շաքար ու քացախ լցրեք:
- Որպեսզի նոր կարտոֆիլը եփելը հեշտ լինի, այն մաքրելուց առաջ կես ժամով աղաջրի մեջ դրեք:
- Որպեսզի չոր լոբին եփելիս փափուկ ստացվի, ջրի մեջ 1 ճաշի գդալ բուսական յուղ ավելացրեք:
Ամենաընթերցվածը
