Դիտումներ 275 
Մելբուռնի (Ավստրալիա) Մոնաշի ինստիտուտի գիտնականները հայտնաբերել են նոր տիպի հակաքաղցկեղային պատրաստուկ, որն ուռուցքի աճը դադարեցնում է առանց լուրջ կողմնակի ազդեցությունների: Այս մասին հաղորդվում է MedicalXpress-ի մամուլի տեղեկագրում: Պատրաստուկի բաղադրության մեջ մոլեկուլները միտված են KAT6A եւ KAT6B սպիտակուցների ակտիվության ճնշմանը, որոնց գործողությունն, ինչպես ցույց է տրված, ուժեղանում է ուռուցքային բջիջներում:
Մինչկլինիկական փորձարկումների արդյունքները ցուցադրել են, որ KAT6A-ին կոդավորող գենի անջատումն ավելացնում է լիմֆոմայով տառապող մկների կյանքի տեւողությունը: Այդ դեպքում խախտվում է քաղցկեղային բջիջների բջջային ցիկլը եւ դադարում է բաժանումը:
Դրա հետ մեկտեղ, պատրաստուկը չի վնասում առողջ հյուսվածքները, ինչն այն տարբերում է քիմիաբուժության մյուս տեսակներից:
Գիտնականների կարծիքով՝ նոր բուժումը կարող է արդյունավետ լինել սկզբնական բուժումից հետո հիվանդության կրկնությունների կանխման համար: Սակայն քաղցկեղով հիվանդ մարդկանց համար պատրաստուկի արդյունավետությունն անհրաժեշտ է ապացուցել ապագա հետազոտություններում:
Աղբյուրը ՝ https://168.am/2018/08/06/990901.html
Ամենաընթերցվածը
