Եղինջը մի շարք հիվանդությունների դեմ. Ունի նաև հակացուցումներ
Դիտումներ 1474 
Եղինջն ունի արտահայտված արյունահոսության դադարեցնող, հյուսվածքների ամբողջականությունը վերականգնող, միզամուղ, հակատենդային, խորխաբեր ազդեցություններ, ինչպես նաեւ աչքի ընկնող լուծողական, ցավազրկող հատկություններ: Այս առումով դեղաբույսը օգտագործվում է արգանդային, երիկամային, աղիքային, թոքային արյունահոսությունների ժամանակ: Այն լավ միջոց է սպիացող վերքերի բուժման դեպքում:
Վաղուց ի վեր բույսի տերեւները եւ արմատները ժողովուրդը օգտագործել է հազի, միզակապության, բարձր ջերմությամբ ընթացող բորբոքային հիվանդությունների դեպքում: Բույսի օգտակար հատկությունները թույլ են տալիս այն օգտագործել սակավարյունության, մկանային եւ հոդային ռեւմատիզմի, մաշկային եկզեմաների, լյարդի եւ լեղածորանների, մարսողության խանգարումների, ստամոքսի ցավերի ժամանակ: Կերակրող մորը խորհուրդ է տրվում խմել այս բույսի թուրմը՝ որպես կաթն առատացնող միջոց:
Տնային պայմաններում պատրաստվող դիմակ, որը կօգնի ունենալ հարթ և փափուկ մազեր
Թանկարժեք նյութեր և պարագաներ գնելու փոխարեն կարող եք տանը եղինջից պատրաստվող այս միջոցով վերականգնել մազերի առողջ և հարթ տեսքը:
Ուղղակի անհրաժեշտ է եռացնել եղինջը, թողնել, որ ջուրը սառչի, ապա լողանալուց անմիջապես հետո մազերը լվանալ այդ ջրով: Հիշեք լվանալուց հետո այլևս շամպույն չպետք է քսեք մազերին:
Մի քանի անգամ փորձելուց հետո կտեսնեք, թե ինչպես են մազերը սկսում ավելի արագ աճել և ձեռք բերել առողջ տեսք:
Եղինջը ունի նաեւ հակացուցումներ. երիկամային հիվանդության, աթերոսկլերոզի, հիպերտոնիայի դեպքում, ինչպես նաեւ նրանց, որոնց արյունը խիտ է: Հղիներին հակացուցվում է նաեւ այն հաբերը, որոնք եղինջի հիմքով են պատրաստված, քանի որ այն արագացնում է ծննդաբերությունը:
Ամենաընթերցվածը
