Եթե նստակյաց կյանք եք վարում, անպայման այս մի քանի բաները պետք է անեք ձեր առողջության համար
Դիտումներ 323 
Նստակյաց կենսակերպի վտանգավոր հետեւանքների մասին քիչ չի խոսվել: Ամբողջ օրը նստած անցկացնող մարդիկ առավել հաճախ են բախվում սիրտ-անոթային, քաղցկեղային եւ մի շարք այլ հիվանդությունների, քան շարժուն կենսակերպ վարող մարդիկ:
Այսպիսով՝ ինչպե՞ս կարելի է պահպանել առողջությունը նստակյաց աշխատանքի դեպքում:
Ամերիկացի գիտնականները նստած աշխատող մարդկանց խորհուրդ են տալիս 20 րոպեն մեկ ընդմիջում անել եւ տեղից վեր կենալ: Ընդմիջումների ժամանակ ցանկալի է առնվազն 8 րոպե կանգնած մնալ:
Եթե հնարավոր է, փորձեք այդ ընդմիջումների ժամանակ վարժություններ անել: Եթե ստիպված ենք շատ նստել օրվա ընթացքում, ֆիզիկական ակտիվ ընդմիջումն ուղղակի անհրաժեշտ է: Նստակյաց ապրելակերպը նպաստում է օրգանիզմում ճարպային հյուսվածքների կուտակմանը, ինչն էլ վնասում է սրտանոթային համակարգը: Ֆիզիկական ակտիվ ընդմիջումները կանխարգելում են այդ գործընթացներն օրգանիզմում եւ թույլ են տալիս անոթներն առողջ պահպանել:
Իսկ այն մարդկանց, որոնք ստիպված են հաճախ ոտքի վրա մնալ աշխատավայրում, մասնագետները խորհուրդ են տալիս ընդմիջել եւ նստել կամ պառկել, եւ եթե հնարավոր է, ցանկալի է՝ ոտքերը վեր: Նման ընդմիջումներն օգնում են թուլացնել մարմնին բաժին ընկնող լարվածությունը, կարգավորում ողնաշարի վիճակը:
Ամենաընթերցվածը
