Դափնու տերևի միջոցով ազատվեք ականջի ցավից, շաքարային դիաբետից, մաշկային խնդիրներից, թութքից

Բուժում է ականջի ցավը: 2 ճաշի գդալ մանրացրած տերևների վրա 1 բաժակ եռման ջուր լցրեք, ծածկեք տաք շորով, թրմեք 2 ժամ և քամեք: 2-3 կաթիլ տաք թուրմ կաթացրեք ականջի մեջ և փակեք բամբակի խծուծով: Կրկնեք օրը 2-3 անգամ և քնելուց առաջ:

Օգտակար է ռևմատիզմի դեպքում: 0.5 բաժակ մանրացրած տերևների վրա լցրեք 1 բաժակ բուսական յուղ, 10 օր պահեք տաք տեղում: Քամեք և թեթև մերսող շարժումներով քսեք հիվանդ հոդերին: Դափնետերևի յուղը կարող եք օգտագործել նաև չլվացվող վերքերը բուժելու համար:

Բուժում է թութքը: 

Մանրացրեք 8-10 տերև և թրմեք 1 բաժակ եռման ջրում: Քամեք և թրջոցներ դրեք:

Վերացնում է այրոցը: Վերցրեք հավասար քանակությամբ դափնետերև և ծաղկած սուսամբար (душица): Խառնուրդից վերցրեք 1 թ.գ., վրան լցրեք 1 բաժակ եռման ջուր, թողեք 10 րոպե: Խմեք այրոցի և ստամոքսի տհաճ զգացողությունների դեպքում:

Հանգստացնում է մկանները: Դափնու տերևն օգնում է հանգստացնել նյարդային համակարգը, լավացնել արյան շրջանառությունը: Արդյունքում այն կարող է թեթևացնել մարդկանց վիճակը, ում հաճախ է անհանգստացնում գլխացավը, միգրենը: Դափնու տերևով մերսումը կօգնի թուլանալ, լավացնել ինքնազգացողությունը: