Այսօր ծնկի ցավը շատ է տարածված ժողովրդի մեջ, այս միջոցը կօգնի ազատվել այդ տհաճ ցավից

Ծնկահոդը արթրիտին կամ արթրոզին առաջինն արձագանքող հոդերից է: Արթրիտը հոդի այն բորբոքումն է, որն արտահայտվում է այտուցով, կարմրությամբ, ցավով, հոդի ջերմության բարձրացմամբ: Այս հիվանդությունը կարող է առաջանալ տեղային կամ ընդհանուր վարակների հետևանքով: Այն ձևախեղող բնույթ ունի, որի դեպքում աստիճանաբար մաշվում է հոդի աճառն ու խաթարվում է նյութափոխանակությունը: Հոդն աստիճանաբար սկսում է քայքայվել. դա արտահայտվում է ցավով, խշրտոցով, ճռռոցով, չրխկոցով, ոտքի շարժունակության խանգարմամբ, ինչը կարող է զարգանալով հանգեցնել անգամ հաշմանդամության:

Ծնկահոդի հիվանդությունների առաջացման պատճառները տարբեր են, դրանցից են նաև վնասվածքները: Այս դեպքում ամենևին էլ կարևոր չէ, որ վնասվածքը լուրջ լինի: Հաճախ հոդը վնասվում է աննկատ, օրինակ՝ մարզումների, պարի կամ ֆիզիկական աշխատանքի ժամանակ:

Երբեմն էլ հիվանդությունն առաջանում է հոդի թեթև ծանրաբեռնվածության դեպքում, ինչպիսիք են, օրինակ՝ տևական սխալ դիրքով նստած մնալը, սակավաշարժ կենսակերպը, «նստած» կամ «կանգնած» աշխատանքը:

Հոդը հենց աշխատանքի համար է, ոչ թե անշարժության մատնելու: