Այս միջոցը ունակ է կարգավորել խոլեստերինը, վերացնել լյարդի, ստամոքսի, աղիների խնդիրները, երիտասարդացնել և բուժել նյարդային համակարգը

Ձիթապտղի յուղը շատ օգտակար է մարսողական համակարգի համար. լավացնում է ստամոքսի, աղիների, ենթաստամոքսային գեղձի և լյարդի գործունեությունը, նպաստում է ստամոքսի և տասներկումատնյա աղիքի խոցերի ապաքինմանը: Ձիթապտղի յուղն օժտված է թեթև թուլացնող հատկությամբ: Խորհուրդ է տրվում թութքի բուժման համար: Նրանք, ովքեր տառապում են փորկապությունից,   պետք է առավոտյան քաղցած վիճակում խմեն մեկ թեյի գդալ ձիթապտղի յուղ: Բացի այդ, ձիթապտղի յուղն օժտված է լեղամուղ հատկությամբ, այդ պատճառով էլ դրա կանոնավոր օգտագործումը կօգնի լեղաքարային հիվանդության կամ լեղապարկի հեռացման դեպքում,  ինչպես նաեւ շատ անհրաժեշտ է լեղապարկը հեռացրած մարդկանց:

Ձիթապտղի պտուղներում պարունակվում են գործնականում մարդուն անհրաժեշտ բոլոր վիտամիններն ու միկրոտարրերը, եւ դրանք լավ են յուրացվում մարդու օրգանիզմի կողմից: Ի տարբերություն կենդանական ճարպերի` ձիթապտուղը խոչընդոտում է աթերոսկլերոզի, սրտի և անոթների հիվանդությունների զարգացմանը, նպաստում է խոլեստերինի դուրս բերմանը

Ժողովրդական դեղատոմսեր

• Կոտրատվող եղունգների դեպքում կես բաժակ ձիթապտղի յուղը տաքացրեք գոլոշու վրա և եղունգները 15 րոպե ընկղմեք մեջը: Դա արեք շաբաթական գոնե մեկ անգամ:
• Փորկապությունից ազատվելու, սրտանոթային հիվանդություններից պաշտպանվելու և մաշկի վիճակը լավացնելու համար խառնեք 50գ ձիթապտղի յուղ, 100գ կիտրոնի հյութ, 200գ մեղր: Ընդունեք 1 դեսերտի գդալ, առավոտյան քաղցած ժամանակ:
• Ականջի ցավի դեպքում բավական է 2 կաթիլ տաք ձիթապտղի յուղը կաթեցնել ականջի մեջ և միանգամից ականջը փակել յուղով ներծծված բամբակե խծուծով:
• Այրոցի և գաստրիտի բուժման համար ուտելուց կես ժամ առաջ խմեք 1ճ.գ. ձիթապտղի յուղ:
• Հազից ազատվելու համար 2 ձվի դեղնուցը հարել 3ճ.գ. մեղրի հետ և ավելացնել 100գ. ձիթապտղի յուղ: Խառնուրդն ընդունել 2թ.գ. առավոտյան և քնելուց առաջ:
• Ստամոքսի արնահոսող խոցը բուժելու համար առավոտյան սոված վիճակում խմեք 1 ճ.գ. ձիթապտղի յուղ: