Արյունը ջրիկացնող լավագույն բնական միջոցները: Գրում է med.tert.am-ը
Դիտումներ 1224 
Արյան խտացումը շատ լուրջ խնդիր է, որի հետևանքով ներքին օրգանները տուժում են թթվածնային քաղցից և բարձրանում է թրոմբների առաջացման հավանականությունը: Նման լուրջ առողջական խնդիրներից խուսափելու համար հարկավոր է ճիշտ սնվել և օրվա ընթացքում բավարար քանակությամբ հեղուկ օգտագործել:
Ձեր ուշադրությանն ենք ներկայացնում ժողովրդական արդյունավետ միջոցներ, որոնք օգտագործելով կարելի է կարգավորել արյան խտությունն ու բարելավել շրջանառությունը:
Արյունը ջրիկացնող բնական միջոցներ
Դարչին ու կոճապղպեղ
Լամինարիա
Չորացրած լամինարիան հարկավոր է մանրացնել սրճաղացի միջոցով և օգտագործել սննդի հետ աղի փոխարեն: Կարելի է նաև լամինարիան օգտագործել առանց որևէ մթերքին ավելացնելու օրական մեկ անգամ 1 թեյի գդալ: Այն կօգնի նվազեցնել արյան թանձրությունը և կբարձրացնի անոթների տոնուսը:
Ծլած ցորեն
Շատ օգտակար կարող է լինել նաև ծլած ցորենը: Օրական հարկավոր է օգտագործել 1 ճաշի գդալ ծլած ցորեն: Այս մթերքը կարելի է օգտագործել աղցանների մեջ և ավելացնել 1 թեյի գդալ կտավատի յուղ, որը հարուստ է արյան թանձրության կարգավորման համար շատ կարևոր օմեգա-3 ճարպաթթուներով:
Կերակրի սոդա
Թանձր արյան դեպքում շատերը դիմում են կերակրի սոդայի օգնությանը: Պարզապես հարկավոր է 0.5 թեյի գդալ կերակրի սոդան լուծել մի բաժակ գոլ ջրում:
Կտավատի յուղ
Այս խնդրի դեպքում հիանալի միջոց է նաև կտավատի յուղը, որը հարկավոր է ընդունել առավոտյան դատարկ ստամոքսին (1 ճաշի գդալ): Եթե յուղը խմելը շատ տհաճ է, ապա կարելի է այն ավելացնել տարբեր ուտեստներին:
Սակայն հարկ է հիշել, որ մինչ արյունը ջրիկացնող միջոցներն ընդունելը հարկավոր է անպայման խորհրդակցել բժշկի հետ, քանի որ չափազանց ջրիկ արյունը նույնպես շատ վտանգավոր է:
Նաև հարկավոր է հրաժարվել երշիկեղենից, ապխտած սննդամթերքից, ճարպոտ ու տապակած սննդից, ինչպես նաև սննդամթերքի այն տեսակներից, որոնք պարունակում են մեծ քանակությամբ վիտամին K (օրինակ՝ բանանը): Շատ կարևոր է նաև օգտագործվող սուրճի քանակությունը նվազեցնելը:
Նշված սննդակարգին հետևելուց բացի, անհրաժեշտ է ուշադրություն դարձնել նաև օգտագործվող հեղուկի քանակությանը: Մասնագետները խորհուրդ են տալիս օրական առնվազն 1.5 լիտր հեղուկ ընդունել: Լավագույն տարբերակներն են կանաչ թեյը, բուսական թեյերը, բնական հյութերը (լավագույնը կարմիր խաղողի հյութն է) և մաքուր ջուրը:
Աղբյուրը ՝ http://med.tert.am/am/news/2018/02/02/blood/39792
Ամենաընթերցվածը
