Արքայանարինջ. օգուտն ու վնասը

Արքայանարինջի օգուտը

• Արքայանարինջը դիետիկ սնունդ է, այն ցածր կալորիականություն ունի՝ 100 գրամում 66կ/կալ (կախված է տեսակից ու հասունությունից): Նրա միջոցով կարելի է արագ հագեցնել քաղցը եւ չվախենալ գիրացումից:
• Արքայանարինջը ակտիվացնող-խթանող հատկություն ունի, այն լավացնում է ախորժակը, բարձրացնում աշխատունակությունը եւ հանգստացնում է նյարդային համակարգը:
• Աթերոսկլզերոզի եւ սիրտ-անոթային հիվանդությունների դեմ պայքարում այն առաջ է անցնում նույնիսկ խնձորից. նրանում ավելի շատ են հակաօքսիդանտները: Չնայած նրան, որ խնձորի մեջ ավելի շատ ցինկ եւ մեդիում կա, արքայանարինջը նրան գերազանցում է նատիրումի, կալիումի, կալցիումի, երկաթի պարունակությամբ:
• Արքայանարինջը բնական միզամուղ միջոց է եւ օրգանիզմից դուրս է հանում աղերը:

• Արքայանարինջի բաղադրության մեջ են մտնում ֆրուկտոզան եւ գլյուկոզան. նրանց միջոցով պահպանվում է սիրտ-անոթային համակարգի նորմալ գործունեությունը, իսկ վիտամիններ P-ն եւ C-ն ամրապնդում են արյունատար անոթները: Այդ իսկ պատճառով բժիշկները խորհուրդ են տալիս խուրմա ուտել լնդերի արյունահոսություն եւ անոթային հիվանդություններ ունեցող անձանց:
• Արքայանարինջը կարգավորում է արյան ճնշումն ու նպաստում հիպերտոնիկ հիվանդությունների կանխարգելմանը:
• Հյուծվածության, թոքախտի, սակավարյունության, որոշ բորբոքային հիվանդությունների դեպքում դեռ հին ժամանակներում օգտագործել են արքայանարինջ:
• Արքայանարինջը պաշտպանում է նաեւ ուռուցքային հիվանդություններից: Ապացուցված է, որ նրա հաճախակի օգտագործումը փոքրացնում է թոքերի քաղցկեղով հիվանդանալու ռիսկը:
• Արքայանարինջի հյութը ազատում է մրսածության առաջին ախտանիշներից, հանգստացնում է հազը:

Արքայանարինջի վնասը

1. Արքայանարինջը հակացուցված է հետվիրահատական շրջանում գտնվող մարդկանց:
2. Այն պետք է սահմանափակ քանակով օգտագործեն նաեւ շաքարային դիաբետ ունեցող անձինք: