Ամենահամեղ տորթ Միկադոյի բաղադրատոմս, որը շատ համեղ է և հալվում է բերանում
Դիտումներ 717 
Բաղադրիչներ.
խմոր
թթվասեր – 200 գր.,
կարագ – 200 գր.,
վանիլ, մի պտղունց աղ,
սոդա – 1 թ. դգ.,
շաքարավազ – 200 գր.,
ալյուր – 4 բաժակ,
ձու – 3 հատ
կրեմ
եփած խտացրած կաթ – 2տուփ,
կարագ – 2 տուփ,
վանիլ
զարդարանքի համար – 1 տուփ մուգ շոկոլադ (100 գ.)
Պատրաստման եղանակը.
Թթվասերը լցնել խորը ամանի մեջ, սոդան խառնել թթվասերին, դնել մի կողմ:
Կարագը մի թեթև հարել, ավելացնել շաքարավազը, մի պտղունց աղ, վանիլ, հարել, մինչև ստացվի համասեռ զանգված:
Հետո առանձին-առանձին խառնել ձվերը, յուրաքանչյուրը զանգվածին լավ խառնելուց հետո նոր ջարդել հաջորդ ձուն:
Ավելացնել թթվասերի զանգվածը, խառնել: Աստիճանաբար լցնել ալյուրի մի մասը՝ 3-3.5 բաժակ, պետք է ստացվի փափուկ խմոր: Մոտ կես բաժակ ալյուր լցնել սեղանին, խմորը թեթևակի հունցել, հետևել, որ ալյուրը շատ չլինի, խմորին գլանի ձև տալ, բաժանել 6-7 մասի:
Ծածկել պոլիէթիլենով, թողնել հանգստանա:
Ջեռոցը միացնել 170-180 աստիճան, թողնել, որ դատարկ տապակը տաքանա, շատ չտաքացնել: Խմորի գունդը բացել, տեղափոխել տապակի հակառակ կողմի վրա, բացել տապակի չափով, քանի դեռ տապակը տաք է: Խմորը ծակծկել պատառաքաղով, դնել թխվելու մոտ 7-8 րոպե:
Պատրաստել կրեմը. կարագը հարել մոտ տասը րոպե, գդալ-գդալ ավելացնել խտացրած կաթը, ըստ ճաշակի՝ վանիլ:
Կրեմը մոտավոր վեց մասի բաժանել, ամեն շերտը ծածկել կրեմի մի մասով:
Վերջին շերտին կրեմ քսելուց առաջ սեղմել, ոչ շատ մեծ ծանրություն դնել վրան, թողնել մի ժամ:
Հետո քսել կրեմի վերջին մասը, շոկոլադը քերիչով անցկացնել և ծածկել վերջին շերտը շոկոլադի քերուկով:
Թողնել մի քանի ժամ, ապա տեղափոխել սառը տեղ:
Ամենաընթերցվածը
