Տեսեք ինչ հիվանդության նշան է ՝ առավոտյան գլխապտույտները
Դիտումներ 1259 
Բազմիցս խոսել ենք տարբեր հիվանդությունների անսպասելի նշանների մասին։ Եվ եթե ինչ-որ տարօրինակ զգացողություններ են ի հայտ գալիս, պետք է միանգամից դիմեք բժկի օգնությանը և եթե կա հիվանդություն ՝ կանխարգելեք նախօրոք։ Իսկ հիմա կխոսենք, թե ի՞նչ հիվանդության նշան է, երբ անկողնուց վեր կենալուց գլխապտույտ եք ունենում։
Գլխապտույտը և աչքերի մթեցումը, որ մարդիկ կարող են զգալ պառկած դիրքից հանկարծակի ոտքի կանգնելիս, պայմանավորված են արյան ճնշման արագ նվազմամբ: Այս մասին նշել է ՝ Հարվարդի բժշկական դպրոցի բժշկության դոցենտ, դոկտոր Սթիվեն Յուրաշեկը։
Հավասարակշռության կորստի կարճատև զգացումը, գլխապտույտի և աչքերում մթեցումը կոչվում է պոստուրալ կամ օրթոստատիկ հիպոթենզիա: Այն առաջանում է մարմնի դիրքի արագ փոփոխությունների պատճառով։
Երբ մարդն արագ ոտքի է կանգնում, մարմնի վերին մասից մոտ 300-800 խորանարդ սանտիմետր արյուն է շտապում դեպի ոտքերը՝ առաջացնելով արյան ճնշման ժամանակավոր անկում։ Այս վիճակը նորմալ է մարդու օրգանիզմի համար, եթե այն տևի ոչ ավելի, քան երեք րոպե։
Գոյություն ունի օրթոստատիկ հիպոթենզիայի քրոնիկական ձև, երբ մարդիկ իրենց շփոթված են զգում և չեն կարողանում երկար կանգնել դիրքը փոխելուց հետո: Այս վիճակը վտանգավոր է, քանի որ այն կարող է վկայել վահանաձև գեղձի հիվանդության, սրտի առիթմիայի և արյան շաքարի ցածր մակարդակի առկայության մասին:
Գիտնականը նաև նշել է, որ օրթոստատիկ հիպոթենզիայի նոպաները կարող են ավելի հաճախ առաջանալ տարեց մարդկանց մոտ՝ սրտի ռիթմը կարգավորելու ունակության նվազման պատճառով։
Ամենաընթերցվածը
